SUN குழுமத்திலிருந்து வெளிவரும் காலை நாளிதழ்

அமெரிக்க டாலருக்கு எதிரான ரூபாயின் மதிப்பு ஒரே நாளில் 38 பைசா உயர்வு

2018-10-13@ 00:38:37

புதுடெல்லி: சர்வதேச வர்த்தகத்தின் கடைசி நாளில் கச்சா எண்ணெய் விலை பேரலுக்கு 3 டாலர் சரிந்தது. இதனால், அமெரிக்க டாலருடனான இந்திய ரூபாய் மதிப்பு 38 பைசா உயர்ந்தது.
ஈரான், துபாய் போன்ற நாடுகளில் இருந்து கச்சா எண்ணெய் உள்ளிட்டவற்றை இந்தியா இறக்குமதி செய்கிறது. இதற்காக, வங்கிகள் மற்றும் ஏற்றுமதி நிறுவனங்கள் அமெரிக்க டாலரை பரிமாற்றம் செய்து வருகின்றன. இதனால், அன்னிய செலாவணி மார்க்கெட்டில் இந்திய ரூபாயின் மதிப்பு கடும் வீழ்ச்சி அடைந்தது. இந்த வாரம் உலகளாவிய சந்தை நிலவரத்தின் அடிப்படையில் இந்திய ரூபாயின் மதிப்பு வரலாறு காணாத அளவில், நேற்று முன்தினம் வியாழனன்று  தொடக்கத்தில் ₹74.50 ஆக சரிந்தது. அன்று மாலையில் ₹74.12 ல் நிலைக்கொண்டது. ரூபாயின் மதிப்பு இவ்வாறு சரிந்தது, இதுவே முதல்முறையாகும். இதன் காரணமாக, இறக்குமதியாளர்கள் கவலை அடைந்தனர்.  இந்நிலையில், நேற்றைய மார்க்கெட்டின் தொடக்கத்தில் கச்சா எண்ணெய் விலை ஒரு பேரலுக்கு 3 சதவீதம் சரிந்து, 80.37 டாலரானது. இதனால், இந்திய ரூபாயின் மதிப்பு உயர்ந்தது. காலை நேர வர்த்தகத்தின்படி, அமெரிக்க டாலர் மதிப்புக்கான இந்திய ரூபாயின் மதிப்பு 38 காசுகள் உயர்ந்து ரூ.73.74 ஆக காணப்பட்டது. அன்னிய செலாவணி சந்தையில் இந்திய ரூபாயின் மதிப்பு உயர்வு, வர்த்தகத்துக்கு ஆதரவாக இருக்கும் என்று இறக்குமதியாளர்கள் மகிழ்ச்சி தெரிவித்தனர்.


மேலும் செய்திகள்

Like Us on Facebook Dinkaran Daily News
  • 19-06-2019

    19-06-2019 இன்றைய சிறப்பு படங்கள்

  • bji

    முன்னாள் சுகாதார அமைச்சர் ஜே.பி.நட்டாவை பாஜக செயல் தலைவராக அமைச்சர் ராஜ்நாத் சிங் அறிவிப்பு

  • suvami

    திருவல்லிக்கேணி பார்த்தசாரதி கோவில் பிரம்மோற்சவ விழா 5ம் நாளான இன்று சுவாமி நாச்சியார் வீதி உலா

  • mango

    கிருஷ்ணகிரியில் 27வது அகில இந்திய மாங்கனி கண்காட்சி: மலர்கள் கொண்டு உலக கோப்பை வடிவமைப்பு

  • earth

    சீனாவின் சிச்சுவான் மாகாணத்தில் சக்தி வாழ்ந்த நிலநடுக்கம்: 12 பேர் உயிரிழப்பு,125 பேர் படுகாயம்

படங்கள் வீடியோ கல்வி சினிமா ஜோ‌திட‌ம்