SUN குழுமத்திலிருந்து வெளிவரும் காலை நாளிதழ்

சர்வர்கள் பராமரிப்பு பணி எதிரொலி: உலகம் முழுவதும் இணையதள சேவை முடங்கும் அபாயம்

2018-10-12@ 17:51:10

ரஷ்யா: உலக அளவில் அடுத்த 48 மணிநேரத்துக்கு இணையதள சேவை முடங்க வாய்ப்பு இருப்பதால் தேவையான முன்னெச்சரிக்கை நடவடிக்கைகளை எடுத்துக்கொள்ள வேண்டும் என்று ரஷ்யா அறிவுறுத்தியுள்ளது. டிஎன்எஸ் உள்ளிட்ட முக்கிய சர்வர்களின் பராமரிப்பு பணி காரணமாக, இணைய பயனாளர்கள் அடுத்த 48 மணிநேரத்தில் இணைப்பு தொடர்பான சிக்கல்களை எதிர்கொள்ளக்கூடும் என தகவல் வெளியாகியுள்ளது. தி இன்டர்நெட் கார்பரேஷன் ஆப் நேம்ஸ் அண்ட் நம்பர் என்று அழைக்கப்படும் சர்வதேச இணையதள சேவை அமைப்பு வழக்கமான பராமரிப்பு பணிகளை மேற்கொண்டு வருகிறது. இதனால் அடுத்த 48 மணிநேரத்துக்கு பல இணையதள சர்வர்களும் தொடர்பு இழக்கக்கூடும் என ரஷ்யா எச்சரித்துள்ளது. சமீபகாலமாக இணையதளங்களில் புகுந்து மர்ப நபர்கள் இணையதளங்களை முடக்கும் செயல்களில் ஈடுபட்டு வருகின்றனர்.

பராமரிப்பின்போது, இணையதள முடக்கம் செய்வதைத் தடுக்கும் வகையில் பாதுகாப்பு அம்சங்களை மேம்படுத்தும் வேலைகளில் ஐசிஏஎன்என் ஈடுபடும் என தெரிவிக்கப்பட்டுள்ளது. இதற்கு  48 மணிநேரம் வரை ஆகலாம் என்றும் கூறப்படுகிறது. இந்த சமயத்தில் இணையதள சேவை முடங்குவதுடன், குறிப்பிட்ட இணையதள பக்கங்களை பார்க்க முடியாமல் போகும் சூழல் ஏற்பட வாய்ப்புள்ளது. எனவே தேவையான முன்னெச்சரிக்கை நடவடிக்கை எடுக்க வேண்டும் என ரஷ்யா கேட்டுக் கொண்டுள்ளது. ஐஎஸ்பி எனப்படும் இணைய இணைப்பு சேவை வழங்கும் நிறுவனங்கள் உரிய முன்னேற்பாடுகளை செய்திருந்தால் இத்தகைய இடையூறுகளை தவிர்க்க முடியும் எனவும் தகவல்கள் தெரிவிக்கின்றன.


மேலும் செய்திகள்

Like Us on Facebook Dinkaran Daily News
  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்