புதுடெல்லி: பாஜ ஆட்சியின் 5 ஆண்டுகளில் வரி செலுத்துவோர் எண்ணிக்கை இரட்டிப்பாக உயரும் என அருண்ஜெட்லி தெரிவித்தார. டெல்லியில் சிஏஜி ஏற்பாடு செய்த அக்கவுன்டன்ட் ஜெனரல் மாநாட்டில் மத்திய நிதியமைச்சர் அருண்ஜெட்லி பேசியதாவது: வரி சீர்திருத்தம், கருப்புப்பண மீட்பு உள்ளிட்ட பல்வேறு நடவடிக்கைகளால் வரி வசூல் ஆண்டுக்கு 15 முதல் 20 சதவீதம் அதிகரித்துவருகிறது. மத்தியில் நரேந்திர மோடி தலைமையிலான பாஜ அரசு 2014 மே மாதம் பொறுப்பேற்றபோது, நேரடி வரி செலுத்துவோர் எண்ணிக்கை 3.8 கோடியாக இருந்தது. தொடர் நடவடிக்கைகளின் பலனாக இந்த எண்ணிக்கை 7.5 கோடி அல்லது 7.6 கோடியாக அதிகரிக்கும். அதாவது, வரி செலுத்துவோர், வருமான வரிதாக்கல் செய்வோர் எண்ணிக்கை இரட்டிப்பாகும் என்றார்.