SUN குழுமத்திலிருந்து வெளிவரும் காலை நாளிதழ்

குஜராத் அருங்காட்சியகத்தில் தமிழ்நாட்டு சிலைகள் : 2 வாரத்தில் பதில் அளிக்க சாராபாய் அறக்கட்டளைக்கு உயர்நீதிமன்றம் உத்தரவு

2018-10-11@ 17:17:03

சென்னை : குஜராத் மாநிலம்  சாராபாய்  அருங்காட்சியகத்தில் உள்ள தமிழக கோவில் சிலைகளை மீட்க கோரிய மனுவிற்கு 2 வாரங்களில் பதில் அளிக்க சாராபாய் அறக்கட்டளைக்கு  சென்னை உயர்நீதிமன்றம் உத்தரவிட்டுள்ளது. அகமதாபாத் சாராபாய் அறக்கட்டளை அருங்காட்சியகத்தில் உள்ள நடராஜர் சிலைகள் உள்ளிட்ட 36 வெண்கல சிலைகள், 3 வெண்கல விளக்குகள், 8 கற்சிலைகளை மீட்க  சிலை கடத்தல் தடுப்புப் பிரிவிற்கு உத்தரவிடக் கோரி வழக்கறிஞர் யானை ராஜேந்திரன் சென்னை உயர்நீதிமன்றத்தில் வழக்கு தொடர்ந்தார்.

இந்த மனு மகாதேவன் மற்றும் ஆதிகேசவன் அடங்கிய அமர்வின் முன்பு இன்று விசாரணைக்கு வந்தது. அப்போது இந்த சிலைகள் 1940ல் அரசு தலைமை வழக்கறிஞராக இருந்த கோவிந்தசாமி நாதன் என்பவரிடம் வாங்கியதாக சாராபாய் அறக்கட்டளை கூறுவதாகவும் அந்த காலத்தில் அப்படி ஒரு அரசு தலைமை வழக்கறிஞர் இல்லை என்றும் மனுதாரர் யானை ராஜேந்திரன் வாதிட்டார்.

சமீபத்தில் சாராபாய் அருங்காட்சியகத்தில் இருந்து ராஜராஜன் சிலையும், லோகமாதேவி சிலையும் மீட்கப்பட்டதை சுட்டிக்காட்டிய அவர், சிலைகள் தமிழக கோவில்களில் இருந்து திருடப்பட்டதாகவும் திருட்டு சிலைகள் சான்றிதழ் வழங்கப்பட்டுள்ளதாகவும் குற்றம் சாட்டினார். இதையடுத்து மனுவிற்கு 2 வாரங்களில் பதில் அளிக்க  சிலை கடத்தல் தடுப்புப் பிரிவிற்கு உத்தரவிட்ட நீதிபதிகள் சாராபாய் அறக்கட்டளைக்கு நோட்டீஸ் அனுப்ப மனுதாரருக்கு  அனுமதி வழங்கி உத்தரவிட்டனர்.


மேலும் செய்திகள்

Like Us on Facebook Dinkaran Daily News
  • germanybuilding

    ஜெர்மனியில் 1970ம் ஆண்டு கட்டப்பட்ட பழைய கட்டிடம் வெடி வைத்து தகர்ப்பு: புகைப்படங்கள்!

  • siriyaa

    ஐ.எஸ் பயங்கரவாதிகள் பிடியில் இருந்த கடைசி எல்லைப்பகுதியை கைப்பற்றியது சிரியா

  • londonprotest

    பிரிட்டன் பிரதமருக்கு எதிராக மீண்டும் தலைதூக்கும் போராட்டம்: பிரெக்ஸிட் ஒப்பந்தத்தை எதிர்த்து மக்கள் பேரணி!

  • 25-03-2019

    25-03-2019 இன்றைய சிறப்பு படங்கள்

  • 24-03-2019

    24-03-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்