SUN குழுமத்திலிருந்து வெளிவரும் காலை நாளிதழ்

தமிழக மீனவர்கள் தான் எல்லை தாண்டி இலங்கை கடற்பகுதிக்குள் மீன்பிடிக்க செல்வதாக அறிக்கை தாக்கல்

2018-10-10@ 11:17:32

சென்னை : தமிழக மீனவர்கள் தான் எல்லை தாண்டி இலங்கை கடற்பகுதிக்குள்  மீன்பிடிக்க செல்வதாக இந்திய கடலோர காவல்படை தெரிவித்துள்ளது. இலங்கை  கடற்படையினரின் அத்துமீறல் பற்றி சர்வதேச நீதிமன்றத்தை அணுக மத்திய அரசுக்கு உத்தரவிடக் கோரி மீனவர் பாதுகாப்பு சங்கத்தின் தலைவர் பீட்டர் ராயன் சென்னை உயர்நீதிமன்றத்தில்  வழக்கு தொடர்ந்தார். இந்த வழக்கு நீதிபதிகள் மணிக்குமார், ஆஷா அடங்கிய அமர்வு முன் விசாரணைக்கு வந்த போது, இந்திய கடலோர காவல்படை டிஐஜி டோனி மைக்கேல் சார்பில் அறிக்கை தாக்கல் செய்யப்பட்டது.

அதில் இலங்கை கடற்படையினர் இந்திய எல்லைக்குள் நுழைந்து தாக்குதல் நடத்தியதற்கு எந்த ஆதாரமும் இல்லை என்றும் தமிழக மீனவர்கள் தான் எல்லை தாண்டி இலங்கை கடற்பகுதிக்குள்  மீன்பிடிக்க செல்வதாகவும் தெரிவிக்கப்பட்டுள்ளது. இரவில் மீனவர்கள் எல்லை தாண்டுவதை தடுக்க முடியவில்லை என்றும் மீனவர்களின் படகுகள் இருப்பிடத்தை அறிந்து கொள்ள இஸ்ரோ கண்டுபிடித்த  ட்ரான்ஸ்பாண்டர்கள் 786  மீனவர்களுக்கு வழங்கப்பட்டுள்ளதாகவும் தெரிவிக்கப்பட்டுள்ளது.

இதையடுத்து வழக்கு தொடர்பாக ஆஜராகி இருந்த இஸ்ரோ அதிகாரிகள், ட்ரான்ஸ்பாண்டர்களின் செயல்பாடுகள், அதனை கண்காணிப்பது குறித்து விளக்கினர். அப்போது மீனவர்களுக்கு வழங்கப்படும்  ட்ரான்ஸ்பாண்டர்களின் விலை ரூ. 40,000 என்றும் கூறினர். இதனிடையே மீனவர்கள் இருப்பிடத்தை அறிய உதவும் ட்ரான்ஸ்பாண்டர்களை மானிய விலையில் வழங்குவது குறித்து மத்திய, மாநில அரசுகள் பதில் அளிக்க நீதிபதிகள் உத்தரவிட்டு வழக்கை 12ம் தேதிக்கு ஒத்திவைத்தனர்.


மேலும் செய்திகள்

Like Us on Facebook Dinkaran Daily News
  • 19-11-2018

    19-11-2018 இன்றைய சிறப்பு படங்கள்

  • 18-11-2018

    18-11-2018 இன்றைய சிறப்பு படங்கள்

  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

படங்கள் வீடியோ கல்வி சினிமா ஜோ‌திட‌ம்