SUN குழுமத்திலிருந்து வெளிவரும் காலை நாளிதழ்

சென்னையில் 471 புதிய பேருந்துகளின் சேவையை தொடங்கி வைத்தார் முதல்வர் பழனிசாமி

2018-10-10@ 11:14:23

சென்னை : சென்னையில் 471 புதிய பேருந்துகளின் சேவையை தலைமைச் செயலகத்தில் இருந்து முதல்வர் பழனிசாமி கொடியசைத்து தொடங்கி வைத்தார். இந்த நிகழ்ச்சியானது போக்குவரத்துத்துறை சார்பில் ஏற்பாடு செய்யப்பட்டுள்ளது. துணை முதலமைச்சர் ஓ.பன்னீர்செல்வம் , மற்றும் அமைச்சர்கள் விஜயபாஸ்கர் உள்ளிட்டோர் இந்த நிகழ்ச்சியில் பங்கேற்றுள்ளனர். ரூ.127 கோடி மதிப்பில் 471 புதிய பேருந்துகள் வாங்கப்பட்டுள்ளன.

அதில் 60 பேருந்துகள் ஏசி வசதி மற்றும் படுக்கை வசதி கொண்ட பேருந்துகள் ஆகும். விழுப்புரம் கோட்டத்திற்கு 103 பேருந்துகளும் சேலம் கோட்டத்திற்கு 77 பேருந்துகளும் கோயம்பத்தூர் கோட்டத்திற்கு 40 பேருந்துகளும் கும்பகோணம் கோட்டத்திற்கு 111 பேருந்துகளும் மதுரை கோட்டத்திற்கு 30 பஸ்கள் புதிதாக வாங்கப்பட்டுள்ளது.  இந்த பேருந்து சேவையானது இன்று முதல் செயல்பாட்டுக்கு வரும் என்று போக்குவரத்துத்துறை தெரிவித்துள்ளது.

அடுக்குமாடி புறநகர் பேருந்து நிலையம் திறப்பு


திருவள்ளூர் மாவட்டம் மாதவரத்தில் ரூ.95 கோடி செலவில் அடுக்குமாடி புறநகர் பேருந்து நிலையத்தை முதல்வர் பழனிசாமி திறந்து வைத்தார். சென்னையில் இருந்து ஆந்திரா, தெலங்கானாவுக்குச் செல் லும் புறநகர் பேருந்துகளுக்கு என தனியாக ஒரு பேருந்து நிலையம் அமைக்கும் திட்டத்துக்கு கடந்த 2011-ம் ஆண்டு அக்டோபர் 31-ம் தேதி தமிழக அரசு ஒப்புதல் வழங்கியது.

இதன்படி, சென்னையை ஒட்டியுள்ள மாதவரத்தில் ரூ.95 கோடி செலவில் அடுக்குமாடி புறநகர் பேருந்து நிலையத்தை முதல்வர் பழனிசாமி இன்று திறந்து வைத்தார். இதனால் கோயம்பேடு புறநகர் பேருந்து நிலையத்தில் ஏற்படும் நெரிசல் வெகுவாகக் குறையும் என்று எதிர்பார்க்கப்படுகிறது.


மேலும் செய்திகள்

Like Us on Facebook Dinkaran Daily News
  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

  • 17-06-2019

    17-06-2019 இன்றைய சிறப்பு படங்கள்

  • 16-06-2019

    16-06-2019 இன்றைய சிறப்பு படங்கள்

  • 15-06-2019

    15-06-2019 இன்றைய சிறப்பு படங்கள்

  • china

    சீனாவில் பாலம் சரிந்ததால் 2 வாகனங்கள் தண்ணீரில் மூழ்கியது: மூழ்கியவர்களை தேடும் பணி தீவிரம்

படங்கள் வீடியோ கல்வி சினிமா ஜோ‌திட‌ம்