பழங்கால பொருட்கள் மீதான ஆர்வத்தால் அவற்றை சேகரித்தேன். தீனதயாளன் வீட்டில் கைப்பற்றப்பட்ட  சிலைகளுக்கும் தனக்கும் எந்த தொடர்பும் இல்லை. எனவே, முன்ஜாமீன் வழங்க வேண்டும் என்று கூறியுள்ளார்.இந்த மனு நீதிபதிகள் மகாதேவன், ஆதிகேசவலு ஆகியோர் அடங்கிய சிலை கடத்தல் வழக்குகளுக்கான சிறப்பு நீதிமன்றத்தில் நேற்று விசாரணைக்கு வந்தது. அப்போது ரன்வீர் ஷா சார்பில்  மூத்த வக்கீல் எஸ்.அசோக்குமார் ஆஜராகி, கடந்த 1993 முதல் இந்த சிலைகளை பல்வேறு ஆர்ட் கேலரிகளிலிருந்து விலைக்கு வாங்கியுள்ளோம். அதற்கான சான்றுகள் எங்களிடம் உள்ளது  என்றார்.   இதைக்கேட்ட நீதிபதி, அது தொடர்பான ஆவணங்களை தாக்கல் செய்யுங்கள், என்றார். அதற்கு ரன்வீர் ஷா வக்கீல், 2008ல் தொல்லியல்துறையிடம் சான்றிதழ் பெற்றதாக  தெரிவித்தார்.  அப்போது இதே வழக்கில் தொடர்புடைய கிரண் ராவ் சார்பில் மூத்த வக்கீல் சண்முகசுந்தரம் ஆஜராகி, நாங்களும் சிலைகளை விலை கொடுத்துதான் வாங்கினோம் என்றார்.  இதை கேட்ட  நீதிபதி, 2 மனுதாரர்களும் நாளை மறுநாள் சிலைகள் வாங்கியது தொடர்பான ஆவணங்களை தாக்கல் செய்யுமாறு உத்தரவிட்டார்.