SUN குழுமத்திலிருந்து வெளிவரும் காலை நாளிதழ்

சுஸுகியின் 2 ஆப்ரோடு அசத்தல் பைக் அறிமுகம்

2018-10-07@ 00:11:28

சுஸுகி   நிறுவனம் சார்பில், RM-Z250 மற்றும் RM-Z450 ஆகிய இரண்டு ஆப்ரோடு பைக்குகளும் இந்திய மார்க்கெட்டில் களமிறக்கப்பட்டுள்ளன. இதில், சுஸுகி   RM-Z250 பைக்கில் சிங்கிள் சிலிண்டர் கொண்ட 249சிசி லிக்யூடு கூல்டு DOHC   இன்ஜின் பொருத்தப்பட்டுள்ளது. மோட்டோக்ராஸ் பந்தயம் மற்றும் ஆப்ரோடு   சாகசங்களின்போது எளிதில் கையாளும் விதத்தில், இலகு எடை கொண்ட அலுமினிய சக்கரங்கள் பொருத்தப்பட்டுள்ளன. இந்த பைக், 106 கிலோ எடை கொண்டது. சுஸுகி RM-Z450 பைக்கில் சிங்கிள் சிலிண்டர் அமைப்புடைய 449சிசி லிக்யூடு கூல்டு   DOHC இன்ஜின் பொருத்தப்பட்டுள்ளது. இந்த பைக்கில் மூன்று விதமான டிரைவிங்   மோடு உள்ளது. இவை, சுஸுகியின் விசேஷமான Holeshot Assit Control சிஸ்டத்துடன் இணைந்து இயங்குகிறது. சுஸுகி RM-Z450 பைக்கில் BFRC என்ற   விசேஷ தொழில்நுட்பம் இருக்கிறது. இதன்மூலமாக, டர்ட் டிராக்குகளில்   ஓட்டும்போது மிகச்சிறந்த தரைப்பிடிப்பையும், அதிர்வுகளையும் வெகுவாக உள்வாங்கி குறைக்கும் நுட்பத்தையும் பெற்றிருக்கிறது.

புதிய சுஸுகி  RM-Z450 பைக்கின் முன்புறத்தில் 21 அங்குல சக்கரமும், பின்புறத்தில் 18 அங்குல  சக்கரமும் பொருத்தப்பட்டுள்ளது. இந்த பைக்கில் முன்புறத்தில்  அப்சைடு  டவுன் போர்க்குகளும், பின்புறத்தில் மோனோ ஷாக் அப்சார்பரும் பொருத்தப்பட்டுள்ளன. இந்த பைக்கில் இரண்டு சக்கரங்களிலும் டிஸ்க் பிரேக்குகள் உள்ளன. இந்த பைக் 112 கிலோ எடை கொண்டது. இந்த புதிய ஆப்ரோடு பைக்குகள் அறிமுகம் குறித்து சுஸுகி மோட்டார் சைக்கிள் இந்தியா   நிறுவனத்தின் நிர்வாக இயக்குனர் சதோஷி உச்சிடா கூறுகையில்,”கடந்த சில ஆண்டுகளாக இந்தியாவில் ஆப்ரோடு மற்றும் சாகச ரக பைக்குகளுக்கான வரவேற்பு   தொடர்ந்து அதிகரித்து வருவதை காண முடிகிறது. இந்த துறையில் இந்தியர்கள்   காட்டும் ஆர்வத்தையும், சந்தை தேவையை கருதியும், இந்த இரண்டு புதிய   மாடல்களை அறிமுகம் செய்துள்ளோம். இந்த புதிய மாடல்கள் வாடிக்கையாளர்களுக்கு   மிக திரில்லான அனுபவத்தை வழங்கும்,” என்றார். சுஸுகி RM-Z250  பைக் 7.10 லட்சம் விலையிலும், சுஸுகி RM-Z450 பைக் 8.31 லட்சம்  விலையிலும் (டெல்லி எக்ஸ்ஷோரூம்) வந்துள்ளன.  இரண்டு பைக்குகளையும் சாதாரண  சாலைகளில் ஓட்டுவதற்கு அனுமதி இல்லை. இந்த  பைக்குகள் இந்திய ஆப்ரோடு  மற்றும் சாகச பிரியர்களை வெகுவாக கவரும் என  நம்பலாம்.


மேலும் செய்திகள்

Like Us on Facebook Dinkaran Daily News
  • srilanka_chri11

    கிறிஸ்தவர்களுக்கு உறுதுணையாக நாங்கள் நிற்போம் : இலங்கை தாக்குதலை கண்டித்து இந்தியாவின் பல்வேறு மத குழுக்கள் ஆர்ப்பாட்டம்

  • india_medals11

    ஆசிய தடகள சாம்பியன்ஷிப் போட்டி : 3 தங்கம், 8 வெள்ளி, 7 வெண்கல பதக்கங்களுடன் பதக்கப் பட்டியலில் இந்தியா 4வது இடம்!!

  • pudin_russiaa1

    வரலாற்றில் முதன்முறையாக ரஷ்ய அதிபர் புதினுடன், வடகொரிய அதிபர் கிம் ஜோங் உன் பேச்சுவார்த்தை

  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்