SUN குழுமத்திலிருந்து வெளிவரும் காலை நாளிதழ்

நீதி மன்ற விசாரணைக்கு வந்தபோது தமிழறிஞர் கி.த.பச்சையப்பன் மாரடைப்பால் மரணம்

2018-09-21@ 00:05:53

சென்னை: சுதந்திர போராட்ட வீரரும் தமிழறிஞருமான கி.த.பச்சையப்பன்  வழக்கு தொடர்பாக நீதி மன்றத்திற்கு வந்த போது மயங்கி விழுந்து உயிரிழந்தார். புதுச்சேரி மாநிலத்தை சேர்ந்தவர் கி.த.பச்சையப்பன் (85). சுதந்திர போராட்ட தியாகி, ஆசிரியரான இவர், சென்னை வண்ணாரப்பேட்டையில் உள்ள அரசு உதவி பெறும் பள்ளியில் தலைமை ஆசிரியராக பணியாற்றி ஓய்வு ெபற்றவர். பல நூல்களை  இயற்றியுள்ளார். இவருக்கு தமிழக அரசு தமிழ் புலவர் பட்டமும் வழங்கி கவுரவித்தது. திரைப்படம், நாடகங்களிலும் நடித்துள்ளார். இவர், கடந்த சில நாட்களாக உடல்நிலை சரியில்லாமல் இருந்துள்ளார்.

இந்நிலையில் பச்சையப்பன் நேற்று காலை சென்னை உயர் நீதிமன்ற வளாகத்தில் உள்ள சிறு வழக்குகளை விசாரிக்கும் நீதிமன்றத்திற்கு வழக்கு விசாரணைக்காக வந்துள்ளார். அப்போது, திடீரென மாரடைப்பு ஏற்பட்டு, மயங்கி கிழே விழுந்துள்ளார். அவருடன் வந்த மகன் உடனே பதற்றமடைந்தார். சம்பவ இடத்திற்கு வந்த போலீசார் பச்சையப்பனை மீட்டு ஆம்புலன்ஸ் உதவியுடன் மருத்துவமனைக்கு அழைத்து சென்றனர். பரிசோதனை செய்த மருத்துவர்கள் அவர் இறந்து விட்டதாக தெரிவித்தனர். இதையடுத்து,  அவரது உடல் வண்ணாரப்பேட்டையில் உள்ள அவரது வீட்டில் பொதுமக்கள் அஞ்சலிக்காக வைக்கப்பட்டுள்ளது. தமிழறிஞர்கள், அரசியல் கட்சியினரும் மாலை அணிவித்து மரியாதை செலுத்தி வருகின்றனர்.


மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்