விழுப்புரம்: விழுப்புரம் அருகே கார் ஓட்டுநரை அரிவாளால் தாக்கி கார் மற்றும் செல்போனை மர்ம நபர்கள் கொள்ளையடித்து சென்றது பரபரப்பை ஏற்படுத்தியுள்ளது. மதுரையை சேந்த கார் ஓட்டுநர் கிறிஸ்டோபர் டேனியல் இவர் தனது முதலாளியை சென்னை விமான நிலையத்தில் வழியனுப்பிவிட்டு மீண்டும் மதுரைக்கு சென்றுள்ளார். அப்போது தாம்பரத்தில் 4 பேர் கொண்ட கும்பல் விழுப்புரம் செல்ல வேண்டும் என்று கூறி காரில் எறியுள்ளனர்.

கார் விராட்டுக்குப்பம் சென்றதும் ஓட்டுநரை தலை, கழுத்து உள்ளிட்ட இடங்களில் அரிவாளால் வெட்டிவிட்டு கார், செல்போன், பணம் ஆகியவற்றை மர்ம நபர்கள் கொள்ளையடித்து சென்றனர். தகவல் அறிந்து வந்த காவல் துறையினர் ஓட்டுநரை முண்டியம்பாக்கத்தில் உள்ள விழுப்புரம் அரசு மருத்துவமனையில் அனுமதித்து தாக்குதல் நடத்தியவர் குறித்து விசாரணை நடத்தி வருகின்றனர்.