SUN குழுமத்திலிருந்து வெளிவரும் காலை நாளிதழ்

மீத்தேன் எடுக்க ஆய்வா? மண் ஆய்வு பணியை தடுத்த பொதுமக்கள்

2018-09-16@ 18:28:39

திருவிடைமருதூர்: தஞ்சை மாவட்டம் திருவிடைமருதூர் ஒன்றியம் துக்காச்சி கிராமத்தில் காளியம்மன் தெருவில் புதிதாக அரசு மேல்நிலைப்பள்ளி கட்டப்பட்டு வருகிறது. அதன் அருகே 600 அடி ஆழத்தில் புதிதாக ஆழ்குழாய் கிணறு அமைக்கும் பணி கடந்த 5 நாட்களாக நடைபெற்று வந்த நிலையில், நேற்று முன்தினம் இரவு லாரி ஒன்றில்  35 ராட்சத இரும்பு குழாய்கள் திடீரென வந்து இறங்கியது. இதனால் அப்பகுதி பொதுமக்கள் மீத்ேதன் எடுப்பதாக சந்தேகித்து  இரும்பு குழாயக்களை அப்புறப்படுத்த கோரி ஊழியர்களிடம் வாக்குவாதத்தில் ஈடுபட்டனர். தகவலறிந்த நாச்சியார்கோவில் போலீசார் போராட்டம் நடத்தியவர்களிடம் பேச்சுவார்த்தை நடத்தினர். இதனையடுத்து பணிகள் முற்றிலும் நிறுத்தப்பட்டு குழாய்கள் லாரி மூலம் அங்கிருந்து அப்புறப்படுத்தப்பட்டது.

இதுபற்றி அப்பகுதி மக்கள் கூறுகையில், கடந்த சில நாட்களாக பள்ளிக்கு ஒதுக்கப்பட்ட ஊருக்கு பொதுவான தரிசு நிலத்தில் ஆழ்குழாய் கிணறு அமைக்கும் பணி நடந்தது. பள்ளிக்கு குடிநீர் குழாய் அமைக்கிறார்கள் என நினைத்தோம். ஆனால் பெரியஅளவில் குழாய்கள் வந்து இறங்கியதால், சந்தேகம் ஏற்பட்டது. இதையடுத்து அங்கு பணியில் ஈடுபட்டிருந்தவர்களிடம் கேட்ட போது, அவர்கள் பதில் எதுவும் கூறவில்லை.ஆனால் 5 அடிக்கு ஒரு முறை பூமியில் இருந்து எடுக்கப்படும் மண்ணை தனித்தனியாக பிரித்து வைத்திருந்தனர். இதனால் பூமிக்கடியில் இருந்து மீத்தேன், ஷேல் காஸ் எதுவும் எடுப்பதற்கான ஆராய்ச்சியாக இருக்கலாம் எனக்கருதி ஆய்வு பணியை தடுத்து நிறுத்தினோம். இந்த பகுதியில் இதுமாதிரி வேறு எங்கு ஆய்வு நடத்தினாலும் தடுத்து நிறுத்துவோம் என்றனர்.


மேலும் செய்திகள்

Like Us on Facebook Dinkaran Daily News
  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

  • russia_anumin111

    ரஷியாவில் உலகின் முதல் மிதக்கும் அணுமின் நிலையம் : பிரம்மாண்ட சரக்கு கப்பலைப் போல் காட்சியளிக்கும் வினோதம்

  • largestpotato

    உலகின் மிகப்பெரிய உருளைக்கிழங்கில் கட்டப்பட்டுள்ள தங்கும் விடுதி : அமெரிக்காவில் விநோதம்

  • marsgobi_desert1

    செவ்வாய் கிரகத்தில் வாழ்வது போன்ற அனுபவத்தை கொடுக்கும் தளம் : சீனாவின் கோபி பாலைவனத்தில் திறப்பு

படங்கள் வீடியோ கல்வி சினிமா ஜோ‌திட‌ம்