SUN குழுமத்திலிருந்து வெளிவரும் காலை நாளிதழ்

எழும்பூர் அரசு மருத்துவமனையில் குழந்தையை கடத்த முயன்ற இளம்பெண் கைது: போலீசார் விசாரணை

2018-09-15@ 03:52:39

சென்னை: எழும்பூர் அரசு மருத்துவமனையில் 8 மாத குழந்தையை கடத்தி செல்ல முயன்ற இளம்பெண்ணை போலீசார் கைது செய்தனர். வியாசர்பாடி கல்யாணபுரத்தை சேர்ந்தவர் பிரபாகரன் (28). இவருக்கு மனைவி சோனியா மற்றும் 8 மாத ஆண் குழந்தை உள்ளனர். குழந்தைக்கு நுரையீரல் பாதிப்பு இருந்ததால் கடந்த வாரம் எழும்பூர் அரசு குழந்தைகள் நல மருத்துவமனையில் அனுமதித்தனர். தாய் சோனியா உடனிருந்தார். நேற்று முன்தினம் இரவு இவர் கழிவறைக்கு சென்று விட்டு திரும்பிய போது படுக்கையில் இருந்த குழந்தை மாயமாகி இருந்தது. அதிர்ச்சியடைந்த சோனியா கதறி அழுதார். சத்தம் கேட்டு அருகில் இருந்த ஊழியர்கள் ஓடிவந்தனர்.

அப்போது, எனது குழந்தையை காணவில்லை என்று கூறினார். உடனே ஊழியர்கள் மருத்துவமனையில் பாதுகாப்பு பணியில் இருந்த போலீசாருக்கு தகவல் தெரிவித்தனர். அப்போது, ஒரு இளம்பெண் குழந்தையை லிப்ட்டில் தூக்கிக்கொண்டு செல்வதை பார்த்த போலீசார், அவரை பிடித்தனர். அவரிடமிருந்து குழந்தையை மீட்டு, தாய் சோனியாவிடம் ஒப்படைத்தனர். பின்னர் குழந்தையின் பெற்றோர் சம்பவம் குறித்து எழும்பூர் காவல் நிலையத்தில் புகார் அளித்தனர். அதன்படி, போலீசார் பிடிபட்ட இளம்பெண்ணை காவல் நிலையத்திற்கு அழைத்து சென்று விசாரணை நடத்தினர். அதில் புரவைசாக்கம் திடீர் நகரைச் சேர்ந்த நந்தினி(30) என்பது தெரிந்தது.

இவரின் குழந்தையும் உடல்நல குறைவால் எழும்பூர் குழந்தைகள் மருத்துவமனையில் உள் நோயாளியாக அனுமதித்திருப்பது தெரியவந்தது. குழந்தை நீண்ட நேரம் அழுததால், நான் குழந்தையை தூக்கி அழுகையை நிறுத்துவதற்காக  லிப்ட்டிற்கு கொண்டு வந்தேன் என்று தெரிவித்தார். ஆனால் போலீசார் குழந்தையை கடத்தியதாக நந்தினியை கைது செய்தனர். இது குறித்து மேலும் விசாரித்து வருகின்றனர்.


மேலும் செய்திகள்

Like Us on Facebook Dinkaran Daily News
  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

  • russia_anumin111

    ரஷியாவில் உலகின் முதல் மிதக்கும் அணுமின் நிலையம் : பிரம்மாண்ட சரக்கு கப்பலைப் போல் காட்சியளிக்கும் வினோதம்

  • largestpotato

    உலகின் மிகப்பெரிய உருளைக்கிழங்கில் கட்டப்பட்டுள்ள தங்கும் விடுதி : அமெரிக்காவில் விநோதம்

  • marsgobi_desert1

    செவ்வாய் கிரகத்தில் வாழ்வது போன்ற அனுபவத்தை கொடுக்கும் தளம் : சீனாவின் கோபி பாலைவனத்தில் திறப்பு

படங்கள் வீடியோ கல்வி சினிமா ஜோ‌திட‌ம்