SUN குழுமத்திலிருந்து வெளிவரும் காலை நாளிதழ்

பிரதமர் அபே திட்டம் ஜப்பான் அரசியல் சட்டத்தில் மாற்றம்: 3வது முறையாக தேர்தலில் போட்டி

2018-09-15@ 03:34:26

டோக்கியோ: ஜப்பானில் பிரதமர் ஷின்சே அபே, மூன்றாவது முறையாக பிரதமர் தேர்தலில் போட்டியிட உள்ளார். கடந்த 2012 முதல் ஜப்பான் பிரதமராக 63 வயது ஷின்சே அபே உள்ளார். வரும் 20ம் தேதி அந்நாட்டில் நடைபெறவுள்ள பிரதமர் தேர்தலில் மூன்றாவது முறையாக அவர் போட்டியிட உள்ளார். அந்த தேர்தலில் வெற்றி பெற்று மீண்டும் ஆட்சியை பிடிக்கும்பட்சத்தில், ஜப்பான் வரலாற்றில் அதிக ஆண்டுகள் பிரதமராக இருந்தவர் என்ற பெருமை இவரை சேரும். அபே மீது பல்வேறு ஊழல் புகார்கள் உள்ள போதிலும், மக்களிடையே இவருக்கான செல்வாக்கு அதிகமாக உள்ளதாக கருத்துக் கணிப்புகள் கூறுகின்றன. இதனால், தேர்தலில் இவரே வெற்றி பெறுவார் என கருதப்படுகிறது. அவ்வாறு தேர்ந்தெடுக்கப்பட்டால், மேலும் 3 ஆண்டுகள் இவர் பிரதமராக பதவியில் நீடிப்பார்.

ஜப்பானின் முன்னாள் பாதுகாப்பு அமைச்சர், ஷிகரு இஷிபா மட்டுமே அபேவை எதிர்த்து போட்டியிடுகிறார். அபே அளித்த பேட்டியில், “நான் அரசியலமைப்பு சட்டத்தை மாற்றியமைக்கும் முயற்சியை எடுக்க விரும்புகிறேன். இதன்மூலம் புதிய வரலாற்றை படைக்க விரும்புகிறேன்.  இதற்கான வரைவு சட்டத்தை இந்த ஆண்டின் இறுதியில் நாடாளுமன்றத்தில் தாக்கல் செய்ய கட்சி முடிவு செய்துள்ளது” என்றார். ஜப்பானில் 2வது உலகப் போருக்கு பிறகு, அரசியலமைப்பு சட்டத்தை மாற்ற அபேவின் தாத்தாவும், முன்னாள் பிரதமருமான நோபுசுகே கிஷி உள்ளிட்ட பல தலைவர்கள் கூறிவரும் நிலையில், அபே இதை நிறைவேற்றும் முயற்சியில் ஈடுபட்டுள்ளார். இந்த திருத்தத்தின் மூலம், தனது நட்பு நாடுகளின் மீது மற்ற நாடுகள் தாக்குதல் நடத்தும் பட்சத்தில், நட்பு நாடுகளுக்கு ஆதரவாக ஜப்பான் ராணுவத்தை பயன்படுத்த முடியும்.


மேலும் செய்திகள்

Like Us on Facebook Dinkaran Daily News
  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

  • russia_anumin111

    ரஷியாவில் உலகின் முதல் மிதக்கும் அணுமின் நிலையம் : பிரம்மாண்ட சரக்கு கப்பலைப் போல் காட்சியளிக்கும் வினோதம்

  • largestpotato

    உலகின் மிகப்பெரிய உருளைக்கிழங்கில் கட்டப்பட்டுள்ள தங்கும் விடுதி : அமெரிக்காவில் விநோதம்

  • marsgobi_desert1

    செவ்வாய் கிரகத்தில் வாழ்வது போன்ற அனுபவத்தை கொடுக்கும் தளம் : சீனாவின் கோபி பாலைவனத்தில் திறப்பு

படங்கள் வீடியோ கல்வி சினிமா ஜோ‌திட‌ம்