SUN குழுமத்திலிருந்து வெளிவரும் காலை நாளிதழ்

பழநியில் கொங்கு சேர மன்னர்களின் அரிய நாணயம் கண்டெடுப்பு

2018-09-15@ 01:55:56

பழநி: கொங்கு சேர மன்னர்களின் அரியவகை நாணயம் பழநியில் கண்டெடுக்கப்பட்டுள்ளது.திண்டுக்கல் மாவட்டம், பழநியில் கொங்கு சேர மன்னர்களின் நாணயம் கண்டெடுக்கப்பட்டது. இதனை கண்டறிந்த தொல்லியல் ஆய்வாளர் நாராயணமூர்த்தி, நாணய சேகரிப்பாளர் சுகுமார்போஸ் ஆகியோர் கூறியதாவது:செம்பினாலான இந்த நாணயம்  3.200 கிராம் எடை, 1 செமீ குறுக்களவுடன், ஒழுங்கற்ற வடிவத்தில் உள்ளது. நாணயத்தின் முன்புறம் கொங்கு சேர அரசின் முத்திரை, இடது கோடியில் வில்லும், அதற்கடுத்து யானை, பனைமரம் பொறிக்கப்பட்டுள்ளது. இவை மூன்றுமே பண்டைய கொங்கு சேர அரசின் முத்திரைகளாகும். நாணயத்தின் மேல்புறம், இடது, வலது ஓரங்களில் விளக்குகள் உள்ளன. ஓரங்களில் 8 வட்டபுள்ளிகள் உள்ளன.

சேர நாட்டையும் (தற்போதைய கேரளம்), தமிழகத்தின் கொங்கு பகுதிகளையும் ஆண்டு வந்த சேர அரசர்கள் கொங்கு சேரர்கள் என அழைக்கப்பட்டனர். சங்ககால சேரர்களின் வழியிலும், தமிழகத்தின் பாண்டிய, சோழ, ஆயை மன்னர்களின் ரத்தக்கலப்புகளின் வழியிலும் வந்த கொங்கு சேர மன்னர்களின் நாணயங்கள் அரிதாகவே கிடைக்கின்றன. பொதுவாக கொங்கு சேர மன்னர்கள் வெளியிட்ட நாணயங்களில் யானை உருவம் பொறிக்கப்படாது. அதனால் இந்த நாணயம் கிடைத்திருப்பது அரியதாகும்.இந்த நாணயம் எந்த மன்னரின் ஆட்சிகாலத்தில் வெளியிடப்பட்டது என்பது குறித்து ஆய்வு மேற்கொண்டுள்ளோம். கிபி 14ம் நூற்றாண்டின் முற்பகுதியில் கொடுங்களூரை தலைநகராக கொண்டு ஆட்சி புரிந்த ரவிவர்ம குலசேகர பெருமானின் காசாக இருக்க வாய்ப்புள்ளது. இவ்வாறு அவர்கள் தெரிவித்தனர்.


மேலும் செய்திகள்

Like Us on Facebook Dinkaran Daily News
  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

  • russia_anumin111

    ரஷியாவில் உலகின் முதல் மிதக்கும் அணுமின் நிலையம் : பிரம்மாண்ட சரக்கு கப்பலைப் போல் காட்சியளிக்கும் வினோதம்

  • largestpotato

    உலகின் மிகப்பெரிய உருளைக்கிழங்கில் கட்டப்பட்டுள்ள தங்கும் விடுதி : அமெரிக்காவில் விநோதம்

  • marsgobi_desert1

    செவ்வாய் கிரகத்தில் வாழ்வது போன்ற அனுபவத்தை கொடுக்கும் தளம் : சீனாவின் கோபி பாலைவனத்தில் திறப்பு

படங்கள் வீடியோ கல்வி சினிமா ஜோ‌திட‌ம்