SUN குழுமத்திலிருந்து வெளிவரும் காலை நாளிதழ்

வெள்ளத்தில் அடித்து செல்லப்பட்ட தண்டவாள ஜல்லி கற்கள் : சிவப்பு துணி காட்டி ரயிலை நிறுத்திய பொது மக்கள்

2018-09-15@ 01:40:41

ஆத்தூர்: சமீபத்தில் பெய்த மழையில் ஜல்லி கற்கள் வெள்ளத்தில் அடித்து செல்லப்பட்டதால், சேலம் மாவட்டம் ஆத்தூர் அருகே தண்டவாளத்தில் திடீர் பள்ளம் உருவானது. இதைக்கண்ட அப்பகுதி பொதுமக்கள் சிவப்பு துணி காட்டி சேலம்-விருத்தாசலம் பயணிகள் ரயிலை நிறுத்தினர். விருத்தாசலம்  - சேலம் பயணிகள் ரயில் நேற்று காலை 7.45 மணியளவில் ஆத்தூர் பகுதிக்கு வந்து கொண்டிருந்தது. ஆத்தூர் காட்டுக்கோட்டை ஆளில்லா ரயில்வே கேட்டில், தரைப்பாலம் கட்ட ஏற்பாடுகள் நடந்து வருகிறது. அப்பகுதியில் நேற்று காலை, கிராம மக்கள் நடந்து சென்றனர். அப்போது, மழையின் காரணமாக தண்டவாளத்தை ஒட்டிய பகுதியில் ஏற்பட்டிருந்த திடீர் பள்ளத்தை கண்டனர். அப்போது ரயில் வந்து கொண்டிருந்ததை பார்த்த பொதுமக்கள், தண்டவாளத்தில் நின்றபடி சிவப்பு துணிகளை காட்டி எச்சரிக்கை செய்தனர். இதைப்பார்த்த இன்ஜின் டிரைவர், உடனடியாக வேகத்தை குறைத்து ரயிலை நிறுத்தினார். சரியான நேரத்தில் மக்கள் ரயிலை நிறுத்தியதால்,பெரும் விபத்து தவிர்க்கப்பட்டது. அவர்கள் மட்டும் சிவப்புக் கொடி காட்டி, ரயிலை நிறுத்தியிருக்காவிட்டால், ரயில் கவிழ்ந்து பெரும் விபத்து ஏற்பட்டிருக்கும் என்று பயணிகள் தெரிவித்தனர். ரயில்வே அதிகாரிகள், ஊழியர்கள் குழுவுடன் சம்பந்தப்பட்ட இடத்திற்கு வந்து, பொக்லைன் இயந்திரம் மூலம் மண் கொட்டி, பள்ளத்தை சரி செய்து தண்டவாளத்தை பலப்படுத்தினர். இதன் பின்னர் ஒரு மணி நேரம் கழித்து, விருத்தாசலம்-சேலம் பாசஞ்சர் ரயில் ஆத்தூரை நோக்கி சென்றது. வழக்கமாக சேலம் ரயில் நிலையத்திற்கு காலை 8.45 மணிக்கு வந்து சேர வேண்டிய ரயில், ஒரு மணி நேரம் தாமதமாக 9.45 மணிக்கு வந்து சேர்ந்தது.


மேலும் செய்திகள்

Like Us on Facebook Dinkaran Daily News
  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

  • russia_anumin111

    ரஷியாவில் உலகின் முதல் மிதக்கும் அணுமின் நிலையம் : பிரம்மாண்ட சரக்கு கப்பலைப் போல் காட்சியளிக்கும் வினோதம்

  • largestpotato

    உலகின் மிகப்பெரிய உருளைக்கிழங்கில் கட்டப்பட்டுள்ள தங்கும் விடுதி : அமெரிக்காவில் விநோதம்

  • marsgobi_desert1

    செவ்வாய் கிரகத்தில் வாழ்வது போன்ற அனுபவத்தை கொடுக்கும் தளம் : சீனாவின் கோபி பாலைவனத்தில் திறப்பு

படங்கள் வீடியோ கல்வி சினிமா ஜோ‌திட‌ம்