SUN குழுமத்திலிருந்து வெளிவரும் காலை நாளிதழ்

அரசு ஊழியர்கள் பதவி உயர்வில் பாரபட்சம் காட்டக் கூடாது: உயர் நீதிமன்றம் உத்தரவு

2018-09-13@ 02:07:56

சென்னை: அரசு ஊழியர்களுக்கு விதிகளை தளர்த்தி பதவி உயர்வு வழங்கும் போது பாரபட்சம் காட்டக்கூடாது என தமிழக அரசுக்கு சென்னை உயர் நீதிமன்றம் அறிவுறுத்தியது.  கோவை மாநகராட்சியில் ஃபிட்டராக பணி நியமனம் செய்யப்பட்ட ஞானவேல் என்பவருக்கு பணி விதிகளை தளர்த்தி செயற்பொறியாளராக பதிவு உயர்வு வழங்க அரசு உத்தரவிட்டது. இதனை எதிர்த்து, அவருடன் பணியாற்றிய பாபு உள்பட 3 பேர் சென்னை உயர் நீதிமன்றத்தில் வழக்கு தொடர்ந்தனர்.  அவர்கள் தாக்கல் செய்த மனுவில், ஞானவேலை போல் எங்களுக்கும் பதவி உயர்வு வழங்க வேண்டும். பதவி உயர்வுக்கான விதிகளை தளர்த்துவதில்  எந்தவிதமான பாரபட்சமும் காட்டக்கூடாது என்று உத்தரவிட வேண்டும் என்று கூறப்பட்டுள்ளது.

 இந்த வழக்கு நீதிபதி எஸ்.எம்.சுப்பிரமணியம் முன்னிலையில் விசாரணைக்கு வந்தது.  வழக்கை விசாரித்த நீதிபதி அளித்த உத்தரவு வருமாறு:
  அரசு பணி விதிகளில் சலுகைகளோ, விதி விலக்கோ வழங்குவதாக இருந்தால் தகுதியுடைய நபர்கள் அனைவருக்கும் வழங்கப்பட வேண்டும். தனிப்பட்ட நபருக்கு மட்டும் விதிகளை தளர்த்தி பதவி உயர்வு வழங்க கூடாது. இதில் பாரபட்சம் காட்ட கூடாது. இந்த வழக்கை பொறுத்தவரை, ஞானவேலுக்கு மட்டுமல்லாமல் தகுதியுள்ள அனைவருக்கும் பதவி உயர்வு தரப்பட வேண்டும். மனுதரார்கள் மட்டும் அல்லாமல் ஞானவேலின் பதவி உயர்வு வழங்கியது குறித்து நகராட்சி நிர்வாகம் மற்றும் குடிநீர் வழங்கல் துறை செயலாளர் ஆய்வு செய்ய வேண்டும்.   

விதிகளில் விலக்கு அளித்து பதவி உயர்வு வழங்கியது குறித்து விரிவான விசாரணை நடத்தி முறைகேடுகள் கண்டறியப்பட்டால் சம்பந்தப்பட்ட அதிகாரிகளுக்கு எதிராக ஒழுங்கு நடவடிக்கையும், கிரிமினல் நடவடிக்கையும் எடுக்க வேண்டும்.  மேலும், மனுதாரர்களின் சான்றிதழ்களின் உண்மை தன்மை குறித்து ஆய்வு செய்து அது தொடர்பாக 12 வாரத்தில் தமிழக அரசு அறிக்கை தாக்கல் செய்ய வேண்டும். இவ்வாறு உத்தரவில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • bathnatural

    சர்வதேச இயற்கை மருத்துவத் தினத்தை முன்னிட்டு மணல் குளியல் விழிப்புணர்வு

  • puegovolconoerupt

    கவுதமாலாவில் பியூகோ எரிமலை வெடித்து சிதறியது : 4,000 பேர் பாதுகாப்பான இடங்களுக்கு தஞ்சம்

  • delhiproblem

    டெல்லியில் நிலவும் பனிப்புகை மூட்டத்தால் பொதுமக்கள், வாகன ஓட்டிகள் கடும் அவதி

  • colombiacarfestival

    கொலம்பியாவில் 29வது கார் திருவிழா : தானியங்கி வாகங்களில் மக்கள் உற்சாகத்துடன் பங்கேற்பு

  • vietnamramnathgovind

    வியட்நாமில் தேசிய சபை தலைவர் நிகுயென் தி கிம் நிகானுடன் ஜனாதிபதி ராம்நாத் கோவிந்த் சந்திப்பு

படங்கள் வீடியோ கல்வி சினிமா ஜோ‌திட‌ம்