SUN குழுமத்திலிருந்து வெளிவரும் காலை நாளிதழ்

யாருடன் தேர்தல் கூட்டணி : அமைச்சர் ஜெயக்குமார் பேட்டி

2018-09-13@ 00:42:09

சென்னை: ராயப்பேட்டை ஒய்எம்சிஏ திடலில் வருகிற 30ம் தேதி எம்ஜிஆர் நூற்றாண்டு நிறைவு விழா நடக்கிறது. இதையொட்டி, கால்கோள் நாட்டு விழா நேற்று நடந்தது. துணை முதல்வர் ஓ.பன்னீர்செல்வம்  கால்கோள் நாட்டினார். அமைச்சர்கள் திண்டுக்கல் சீனிவாசன், ஆர்.பி.உதயகுமார், சரோஜா, ஜெயக்குமார், துரைக்கண்ணு, வைத்திலிங்கம் எம்பி, மாவட்ட கலெக்டர் சண்முகநாதன் ஆகியோர் கலந்து கொண்டனர்,  நிகழ்ச்சிக்கு பின் அமைச்சர் ஜெயக்குமார் நிருபர்களிடம் கூறியதாவது:திருவாரூர், திருப்பரங்குன்றம் இடைத்தேர்தல் மட்டும் அல்ல, இனி வரும் நாடாளுமன்ற தேர்தல், உள்ளாட்சி தேர்தல், 2021ம் ஆண்டு நடைபெறும் சட்டமன்ற தேர்தல் என அனைத்திலும் அதிமுகவே வெற்றி பெறும். ஆர்.கே.நகர் இடைத்தேர்தலில் என்ன நடந்தது என்பது எல்லோருக்கும் தெரியும். கடைசி நேரத்தில் டோக்கன் கொடுத்து குறுக்கு வழியில் வெற்றி பெற்றுவிட்டனர்.

தேர்தல்  கூட்டணி யாருடன் என்பது தொடர்பாக தேர்தல் தேதி அறிவித்த பின்னர் முடிவு செய்யப்படும். அதற்கு இது சரியான தருணமல்ல. தேர்தல் அறிவித்த பின்னர் தான் லாங் ஜம்ப், ஹை ஜம்ப் போன்றவை அரசியலில் நடைபெறும். ஆளுநருக்கு   அறிவுரை வழங்கும் அதிகாரம் அரசுக்கு இருக்கிறது.  8 கோடி தமிழ்மக்களின் உணர்வை எடுத்துரைக்கிறோம், சிறைத்துறையும் பரிந்துரைத்திருக்கிறது. அவர்களின் நற்சான்றிதழ் குறித்த அறிக்கையையும் அனுப்பி இருக்கிறோம். மக்களின் எதிர்பார்ப்பை உணர்ந்து தகுந்த நேரத்தில் ஆளுநர் நல்ல முடிவை மேற்கொள்வார்.இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • 2mili_nall

    காஷ்மீரில் வீரமரணம் அடைந்த மேஜர் விஎஸ் தவுன்டியால், காவலர் அப்துல் ரஷித் உடல்கள் ராணுவ மரியாதையுடன் நல்லடக்கம்

  • pakisthan_saudi1

    பாகிஸ்தானில் சவுதி இளவரசர் சுற்றுப்பயணம் : நாட்டின் மிக உயரிய ‘நிஷான்-இ-பாகிஸ்தான்’ விருது இளவரசருக்கு அளிக்கப்பட்டது

  • pulwama_kashmirthakuthal11

    காஷ்மீரில் புல்வாமா தாக்குதலை தொடர்ந்து பதற்றம் நீடிப்பதால், ஜம்முவில் 5-வது நாளாக ஊரடங்கு உத்தரவு

  • rafael_porvimanm1

    சர்வதேச விமான கண்காட்சி: பெங்களூருவில் ரஃபேல் உள்ளிட்ட போர் விமானங்கள் விமான சாகச ஒத்திகை

  • fruitsvegpala1

    லக்னோவில் நடைபெற்ற வருடாந்திர காய்கறி, பழம் மற்றும் மலர் கண்காட்சியின் கண்கவர் படங்கள்

படங்கள் வீடியோ கல்வி சினிமா ஜோ‌திட‌ம்