SUN குழுமத்திலிருந்து வெளிவரும் காலை நாளிதழ்

குட்கா ஊழல்...... குடோன் உரிமையாளர் மாதவராவின் வங்கி கணக்குகளை முடக்கியது சிபிஐ

2018-09-12@ 18:55:00

சென்னை: குட்கா ஊழல் தொடர்பாக, குடோன் உரிமையாளர் மாதவராவை சிபிஐ அதிகாரிகள் கைது செய்து விசாரணை நடத்தி வருகின்றனர். அவரை, செங்குன்றத்தில் உள்ள அவரது கிடங்குக்கு நேரடியாக அழைத்து சென்று விசாரணை நடத்தினர். இந்நிலையில், கரூர் வைஸ்யா மற்றும் ஸ்டேட் பாங்க் ஆப் இந்தியாவில் மாதவராவ் பெயரில் உள்ள வங்கிக்கணக்குகளை சிபிஐ அதிகாரிகள் முடக்கியுள்ளனர்.

குட்கா ஊழல் வழக்கில் சி.பி.ஐ. காவலில் எடுக்கப்பட்டுள்ள கிடங்கு உரிமையாளர் மாதவராவை செங்குன்றத்தில் உள்ள அவரது கிடங்குக்கு அழைத்துச் சென்று சி.பி.ஐ. அதிகாரிகள் விசாரணை மேற்கொண்டனர். மாதவராவ், அவரது இரு பங்குதாரர்கள், அரசு அலுவலர்கள் உள்ளிட்ட 5 பேர்கைது செய்யப்பட்ட நிலையில் அவர்களை வரும் வெள்ளிக்கிழமை வரை சி.பி.ஐ. அதிகாரிகள் காவலில் எடுத்துள்ளனர்.

5 பேரையும் சி.பி.ஐ. அதிகாரிகள் அவர்களது வீடுகள், அலுவலகங்கள் உள்ளிட்ட பல்வேறு இடங்களுக்கு தனித்தனியாக அழைத்துச் சென்று விடியவிடிய விசாரணை மற்றும் சோதனை மேற்கொண்டனர். இந்நிலையில் மாதவராவை செங்குன்றம் தீர்த்தங்கரையன்பட்டு பகுதியில் உள்ள அவரது கிடங்குக்கு அழைத்துச் சென்று சி.பி.ஐ. அதிகாரிகள் விசாரணை மேற்கொண்டனர்.

நேற்று  மாதவராவின் உதவியாளரிடமும்ம் நேற்று முன் தினம் அவரது மேலாளர்கள் 4 பேர் மற்றும் உறவினர்கள் 2 பேரிடமும் விசாரணை நடத்தப்பட்ட நிலையில் அவர்கள் அளித்த தகவலின் பேரில் மாதவராவை கிடங்குக்கு அழைத்துச் சென்று சி.பி.ஐ. அதிகாரிகள் விசாரணை மேற்கொண்டதாகக் கூறப்படுகிறது. இந்நிலையில் மாதவராவ் பெயரில் உள்ள வங்கிக்கணக்குகளை சிபிஐ அதிகாரிகள் முடக்கியுள்ளது குறிப்பிடத்தக்கது.


மேலும் செய்திகள்

Like Us on Facebook Dinkaran Daily News
  • 26-06-2019

    26-06-2019 இன்றைய சிறப்பு படங்கள்

  • newyork

    நியூயார்க்கில் 25 மாடி கட்டிடங்களுக்கு இடையே கட்டப்பட்ட கயிற்றில் நடந்து சாகசம்: ஆச்சர்யத்தில் மக்கள்!

  • singaporebirds

    சிங்கப்பூரில் பறவைகளுக்கான பாடும் போட்டி: மனிதர்கள் பாடுவதை போன்று பிரதிபலித்த மெர்பொக் புறாக்களின் இசை

  • turkey

    துருக்கியில் மேயர் பதவிக்காக நடந்த மறுதேர்தலில் எதிர்க்கட்சி வேட்பாளர் வெற்றி: உற்சாக வரவேற்பு அளித்த மக்கள்

  • climate

    ஜெர்மனியில் பருவநிலை மாறுபாட்டை கண்டித்து நிலக்கரி சுரங்கத்தை முற்றுகையிட்ட போராளிகள்!

படங்கள் வீடியோ கல்வி சினிமா ஜோ‌திட‌ம்