SUN குழுமத்திலிருந்து வெளிவரும் காலை நாளிதழ்

நெல்லை கோட்டம் தேசிய நெடுஞ்சாலை சார்பில் வெளியிட்ட டெண்டருக்கு நீதிமன்றம் இடைக்கால தடை

2018-09-12@ 16:55:33

சென்னை : நெல்லை மாவட்டத்தில் தேசிய நெடுஞ்சாலை சார்பில் வெளியிட்ட டெண்டருக்கு உயர்நீதிமன்ற மதுரைக் கிளை இடைக்கால தடை விதித்துள்ளது. பொறியாளர் கமிஷன் கேட்டதாக ஒப்பந்ததாரர் புகார் தந்ததால் டெண்டருக்கு உயர்நீதிமன்றம் தடை விதித்துள்ளது. நெல்லை கோட்டத்தில் ரூ.44 கோடிக்கு சாலை பணிக்கு ஜூனில் டெண்டர் விடப்பட்டது.

ஜூன் 25ம் தேதி  விடப்பட்ட டெண்டர் ஒப்பந்தம் முருகன் என்பவருக்கு ஒதுக்கப்பட்டது. ஒப்பந்தம் ஒதுக்கப்பட்ட நிலையில் நெடுஞ்சாலை பொறியாளர் 10% கமிஷன் கேட்டதாக புகார் கூறப்படுகிறது. கமிஷன் கொடுக்க மறுத்ததால் ஒப்பந்தத்தை நெடுஞ்சாலை ரத்து செய்ததாக குற்றச்சாட்டு எழுந்தது. மனுதாரர் முருகனுக்கு தரப்பட்ட டெண்டரை ரத்து செய்து செப்டம்பரில் மறு டெண்டர் விடப்பட்டது.

மறுடெண்டர் விடப்பட்டதை ரத்து செய்யக் கோரி மனுதாரர் முருகன் உயர்நீதிமன்ற மதுரைக் கிளை மனு தாக்கல் செய்தார். அதில் 10% கமிஷன் கேட்ட பொறியாளர் மீதும் நடவடிக்கை எடுக்க மனுதாரர் கோரிக்கை விடுத்திருந்தார். இந்த மனுவை விசாரித்த நீதிபதி பார்த்திபன், டெண்டர், மறு டெண்டருக்கு தடை விதித்தார். நெடுஞ்சாலைத்துறை நெல்லை கோட்ட கணிக்கணிப்பு பொறியாளர் பதில் தர நீதிபதி உத்தரவிட்டார். இதனிடையே டெண்டரை ரத்து செய்யக் கோரிய ஒப்பந்ததாரர் முருகன், சிசிடிவி ஆதாரத்தை தாக்கல் செய்தார் என்பது குறிப்பிடத்தக்கது. 


மேலும் செய்திகள்

Like Us on Facebook Dinkaran Daily News
  • 20-07-2019

    20-07-2019 இன்றைய சிறப்பு படங்கள்

  • hotairballoonchina

    சீனாவில் நடைபெற்ற ராட்சத பலூன் போட்டி: சுமார் 100 பலூன்கள் ஒரே சமயத்தில் வானுயர பறந்த காட்சிகள்

  • CornwallJellyfishEncounter

    இங்கிலாந்தில் ஆளுயரத்திற்கு வளர்ந்துள்ள பிரம்மாண்டமான ஜெல்லி மீன்..: ஆச்சரியமூட்டும் புகைப்படங்கள்

  • newzealandexplosion

    எரிவாயு கசிவு காரணமாக நியூஸிலாந்தில் வீடு ஒன்று வெடித்து சிதறி தரைமட்டம்: 6 பேருக்கு படுகாயம்!

  • apollo

    புளோரிடாவில் மனிதன் நிலவில் கால்பதித்த 50-ம் ஆண்டு நிகழ்வு கொண்டாட்டம்: விண்வெளி வீரர்கள் சிலைகள் பார்வைக்கு வைப்பு

படங்கள் வீடியோ கல்வி சினிமா ஜோ‌திட‌ம்