SUN குழுமத்திலிருந்து வெளிவரும் காலை நாளிதழ்

நெல்லை மனோன்மணியம் பல்கலைக்கழகத்தை மாணவர்கள் முற்றுகை: தமிழில் தேர்வு எழுத அனுமதிக்கக் கோரிக்கை

2018-09-12@ 16:38:38

நெல்லை: தமிழில் தேர்வு எழுதுவதற்கு விதிக்கப்பட்ட தடையை ரத்து செய்ய வலியுறுத்தி நெல்லை மனோன்மணியம் சுந்தரனார் பல்கலைக்கழகத்தை முற்றுகையிட்ட மாணவர்களுக்கும் போலீசாருக்கும் இடையே தள்ளுமுள்ளு ஏற்பட்டது. ஆங்கில வழியில் பட்டப்படிப்பு படிப்பவர்கள் தமிழ், ஆங்கிலம் ஆகிய இரண்டு மொழிகளிலும் தேர்வு எழுதலாம் என்று இருந்த நடைமுறை அண்மையில் ரத்து செய்யப்பட்டது. இதற்கு எதிர்ப்பு தெரிவித்து நெல்லை, தூத்துக்குடி மற்றும் கன்னியாகுமரி உள்ளிட்ட மாவட்டங்களை சேர்ந்த மாணவ, மாணவிகள் மனோன்மணியம் சுந்தரனார் பல்கலைக்கழகத்தை முற்றுகையிட முயன்றனர்.

மாணவர்களின் போராட்டம் குறித்து சென்னையில்  உயர் கல்வித்துறை அமைச்சர் அன்பழகனிடம் கருத்து கேட்கப்பட்டது. அதற்கு பதிலளித்த அவர், விரைவில் நடவடிக்கை எடுக்கப்படும் என்று தெரிவித்தார். மனோன்மணியம் சுந்தரனார் பல்கலைக்கழகத்தின் கீழ் 89 கல்லூரிகள் இயங்கி வருகின்றன. இந்நிலையில் தமிழில் தெர்வு எழுதுவதற்கு திடீரென அனுமதி மறுக்கப்பட்டுள்ளதால், தமிழ் வழியில் கல்வி பயின்ற மாணவர்கள் பாதிக்கப்படுவார்கள் என புகார் தெரிவித்துள்ளனர். மேலும் மாணவர்கள் நடத்தி வந்த போராட்டத்தை தடுக்க முயன்ற போது போலீசாருடன் மாணவர்கள் தகராறில் ஈடுபட்டனர்.


மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்