SUN குழுமத்திலிருந்து வெளிவரும் காலை நாளிதழ்

பிரதமர் மோடி ரபேல் போர்விமான ஒப்பந்தத்தை தன்னிச்சையாக இறுதி செய்தார்: பா.ஜ.க முன்னாள் அமைச்சர்கள் குற்றச்சாட்டு

2018-09-12@ 12:47:40

புதுடெல்லி: ரபேல் போர்விமானம் ஒப்பந்தத்தை தன்னிச்சையாக இறுதி செய்து நாட்டின் பாதுகாப்பை பிரதமர் நரேந்திர மோடி விட்டுக்கொடுத்துள்ளதாக முன்னாள் மத்திய அமைச்சர்களான யஷ்வந்த் சின்கா மற்றும் அருண் ஷோரி ஆகியோர் குற்றம் சாட்டியுள்ளனர்.  பா.ஜ.க முன்னாள் அமைச்சர்களான யஷ்வந்த் சின்கா மற்றும் அருண் ஷோரி ஆகிய இருவரும் மத்திய அரசுக்கு எதிராக குற்றசாட்டுகளை தெரிவித்து வருகின்றனர். இந்நிலையில், டெல்லியில் செய்தியாளர்களிடம் பேசிய இருவரும் நாட்டின் பாதுகாப்புக்கு 126 விமானங்கள் தேவை என்று பாதுகாப்பு கொள்முதல் கவுன்சில் தெரிவித்திருத்ததாக கூறினர்.

ஆனால், ரபேல் ஒப்பந்தத்தில் விமானங்களின் எண்ணிக்கையை 36 ஆக குறைத்துள்ளதாக குற்றம் சாட்டியுள்ளனர். மேலும், ராணுவ உபகரணங்கள் கொள்முதலுக்கான அனைத்து விதிகளையும் புறம் தள்ளிவிட்டு நாட்டின் பாதுகாப்பை பிரதமர் நரேந்திர மோடி விட்டுக்கொடுத்துள்ளதாகவும் அவர்கள் தெரிவித்தனர். ஒரு விமானத்தின் விலை 670 கோடி ரூபாயிலிருந்து 1,670 கோடி ரூபாயாக அதிகரித்தது எப்படி என்றும் அவர்கள் கேள்வி எழுப்பியுள்ளனர். அதேபோல், தங்களது ஆதரவு தொழிலதிபர்களுக்காக ஏற்கனவே செய்யப்பட்ட ஒப்பந்தத்தை பிரதமர் ரத்து செய்து விட்டதாகவும் அவர்கள் குற்றம் சாட்டியுள்ளனர்.


மேலும் செய்திகள்

Like Us on Facebook Dinkaran Daily News
  • sachinbday

    46வது பிறந்தநாளை கொண்டாடும் கிரிக்கெட் உலகின் ஜாம்பவான் சச்சின் டெண்டுல்கரின் வீடு முன்பு குவிந்த ரசிகர்கள்

  • fingersgirl

    அமெரிக்காவில் கையெழுத்துப் போட்டியில் வென்ற விரல்கள் இல்லாத சிறுமி

  • 24-04-2019

    24-04-2019 இன்றைய சிறப்பு படங்கள்

  • vote

    3-வது கட்ட மக்களவைத் தேர்தல்: 14 மாநிலங்களில் உள்ள 117 தொகுதிகளில் இன்று வாக்குப்பதிவு நிறைவடைந்தது

  • hailstrom

    தெலுங்கானாவில் நேற்று திடீரென பெய்தது ஆலங்கட்டி மழை: இணையதளத்தில் வைரலாகும் காட்சிகள்

படங்கள் வீடியோ கல்வி சினிமா ஜோ‌திட‌ம்