SUN குழுமத்திலிருந்து வெளிவரும் காலை நாளிதழ்

விஜய் மல்லையாவை நாடு கடத்தும் வழக்கு : ஆர்தர் ரோடு சிறை வீடியோவை லண்டன் கோர்ட் இன்று ஆய்வு

2018-09-12@ 02:31:43

தொழிலதிபர் விஜய் மல்லையாவை இந்தியாவுக்கு நாடு கடத்தும் மனுவை விசாரித்து வரும் லண்டனில் உள்ள வெஸ்ட்மின்ஸ்டர் மாஜிஸ்திரேட் கோர்ட், மும்பை, ஆர்தர் ரோடு சிறைச்சாலை குறித்த வீடியோவை இன்று ஆய்வு செய்கிறது. மல்லையா இந்தியாவுக்கு கொண்டு வரப்பட்டதும் இந்த சிறையில்தான் அடைக்கப்படவுள்ளார். விஜய் மல்லையா தேசியமயமாக்கப்பட்ட பல வங்கிகளில் ₹9,000 கோடி கடன் வாங்கி திரும்ப செலுத்தாமல் வெளிநாடு தப்பியோடி விட்டார். அவரை நாடுகடத்திக் கொண்டு வர இந்தியா நடவடிக்கை மேற்கொண்டுள்ளது. இது தொடர்பான வழக்கு லண்டன் கோர்ட்டில் நடந்து வருகிறது. ஆர்தர் ரோடு சிறையில் தன்னை அடைக்க திட்டமிட்டுள்ள அறை எண் 12ல் போதிய அடிப்படை வசதிகள் கிடையாது என்று மல்லையா குற்றம்சாட்டியிருந்தார். ஆனால் இந்திய அரசு இதை மறுத்தது.

கடந்த ஜூலை 31ம் தேதி நடந்த விசாரணையின்போது ஆர்தர் ரோடு சிறையில் உள்ள வசதிகள் குறித்த வீடியோவை தாக்கல் செய்யும்படி இந்தியாவுக்கு கோர்ட் உத்தரவிட்டு இருந்தது. இதன்படி சிறைச்சாலையில் உள்ள பல்வேறு வசதிகள் குறித்து வீடியோ எடுத்து இந்திய அரசு அனுப்பி வைத்துள்ளது.இந்த வீடியோவை லண்டன் கோர்ட் இன்று ஆய்வு செய்கிறது. மல்லையாவை நாடு கடத்தும் வழக்கில் அநேகமாக இதுவே கடைசி விசாரணையாக இருக்கும் என்று எதிர்பார்க்கப்படுகிறது. இந்தியாவுக்கும் இங்கிலாந்துக்கும் இடையே கடந்த 1993ம் ஆண்டில், குற்றவாளிகளை பரஸ்பரம் நாடு கடத்தும் ஒப்பந்தம் ஒன்று கையெழுத்தானது. நாடு கடத்தப்படும் நபரின் மனித உரிமைகள் மீறப்படாததை உறுதி செய்யும் பொறுப்பு கோர்ட்டுகளுக்கு இருக்கிறது. இந்தியாவின் பெரும்பாலான நாடு கடத்தல் கோரிக்கைகள் இங்கிலாந்து கோர்ட்டுகளில் நிராகரிக்கப்பட்டுள்ளன. இந்திய சிறைச் சாலைகளில் போதிய வசதிகள் இல்லாததுதான் இதற்கு முக்கிய காரணம் என்று தெரிவிக்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • shadow_111

    பூஜ்ஜிய நிழல் தினம் ; பிர்லா கோளரங்கத்தில் பூஜ்ஜிய நிழல் அளவை காட்டும் விதமாக மாணவர்களுக்கு பல்வேறு நிகழ்வுகள் செய்து காண்பிப்பு

  • nigeriaaa_twins1

    இரட்டையர்களால் நிரம்பி வழியும் நைஜிரீய நகரம் !! : வியப்பூட்டும் புகைப்படங்கள்

  • russia_anumin111

    ரஷியாவில் உலகின் முதல் மிதக்கும் அணுமின் நிலையம் : பிரம்மாண்ட சரக்கு கப்பலைப் போல் காட்சியளிக்கும் வினோதம்

  • largestpotato

    உலகின் மிகப்பெரிய உருளைக்கிழங்கில் கட்டப்பட்டுள்ள தங்கும் விடுதி : அமெரிக்காவில் விநோதம்

  • marsgobi_desert1

    செவ்வாய் கிரகத்தில் வாழ்வது போன்ற அனுபவத்தை கொடுக்கும் தளம் : சீனாவின் கோபி பாலைவனத்தில் திறப்பு

படங்கள் வீடியோ கல்வி சினிமா ஜோ‌திட‌ம்