SUN குழுமத்திலிருந்து வெளிவரும் காலை நாளிதழ்

ரூபாய் மதிப்பு ரூ.72.73 ஆக சரிவு

2018-09-12@ 00:49:51

மும்பை: டாலருக்கு நிகரான ரூபாய் மதிப்பு நேற்று ரூ.72.73 ஆக சரிந்தது.  அமெரிக்க டாலருக்கு நிகரான ரூபாய் மதிப்பு தொடர்ந்து ஒரு வாரம் சரிந்து வந்தது. கடந்த வாரம் வெள்ளிக்கிழமை ரூபாய் மதிப்பு 26 காசு அதிகரித்தது. சரிவில் இருந்து இனி மீளுமா என்று எதிர்பார்க்கப்பட்ட நிலையில், வார துவக்க நாளான நேற்று முன்தினம் ரூபாய் மதிப்பு 94 காசுகளை இழந்து ரூ.72.67க்கு வீழ்ந்தது. மாலையில் ரூ.72.45க்கு நிலை பெற்றது.2வது நாளாக நேற்றும் மதிப்பு குறைந்தது.  நேற்று காலை வர்த்தகம் துவங்கியதும் முந்தைய நாளை விட 20 காசு உயர்ந்து ரூ.72.25 ஆக இருந்தது. பின்னர் வர்த்தக இடையில் முந்தைய நாளை விட மதிப்பு 28 காசு இழந்து ரூ.72.73ஆக சரிந்தது. டாலர் மதிப்பு வலுவடைந்து.

வெளிநாட்டு மற்றும் இந்திய நிறுவன முதலீட்டாளர்கள் பங்கு விற்பனை, கச்சா எண்ணெய் பேரல் 78 டாலரை தாண்டியது போன்ற காரணங்களால் ரூபாய் தொடர்ந்து வலுவிழந்து வருகிறது.  அதோடு, மத்திய அரசு இன்று வெளியிட உள்ள தொழில்துறை உற்பத்தி புள்ளி சரிவாகவும், பண வீக்கம் அதிகரித்தும் இருக்கும் என்ற கணிப்பும் வெளியாகி உள்ளது. பெட்ரோல், டீசல் விலை உயர்வுக்கு முக்கிய காரணமான ரூபாய் மதிப்பு சரிவு தொடர்ந்து நீடிப்பது பெரும் கவலையையும் அதிர்ச்சியையும் ஏற்படுத்தியுள்ளது. ரூபாய் மதிப்பை உயர்த்தும் மத்திய அரசு, ரிசர்வ் வங்கி ஈடுபடுமா என்ற எதிர்பார்ப்பில் வர்த்தகர்கள் உள்ளனர்.


மேலும் செய்திகள்

Like Us on Facebook Dinkaran Daily News
  • VeronicaStorm

    ஆஸ்திரேலியாவை மிரட்டி வந்த வெரோனிகா புயல் கரையை கடந்தது

  • vehicletest

    பாராளுமன்ற தேர்தலையொட்டி தீவிர வாகன சோதனையில் ஈடுபட்டுள்ள தேர்தல் கண்காணிப்பு படையினர்

  • germanybuilding

    ஜெர்மனியில் 1970ம் ஆண்டு கட்டப்பட்ட பழைய கட்டிடம் வெடி வைத்து தகர்ப்பு: புகைப்படங்கள்!

  • siriyaa

    ஐ.எஸ் பயங்கரவாதிகள் பிடியில் இருந்த கடைசி எல்லைப்பகுதியை கைப்பற்றியது சிரியா

  • londonprotest

    பிரிட்டன் பிரதமருக்கு எதிராக மீண்டும் தலைதூக்கும் போராட்டம்: பிரெக்ஸிட் ஒப்பந்தத்தை எதிர்த்து மக்கள் பேரணி!

படங்கள் வீடியோ கல்வி சினிமா ஜோ‌திட‌ம்