SUN குழுமத்திலிருந்து வெளிவரும் காலை நாளிதழ்

ரூ.55ஆக குறையும்... ஆனால்... கட்கரி வெளியிட்ட ரகசியம்

2018-09-12@ 00:46:40

ராய்ப்பூர்: பயோ டீசல் உற்பத்தியை அதிகரித்தால் பெட்ரோல் ரூ.55, டீசல் ரூ.50க்கு விற்க முடியும் என நிதின் கட்கரி தெரிவித்தார். சட்டீஸ்கர் மாநிலம் ராய்ப்பூரில் நடந்த நிகழ்ச்சி ஒன்றில் மத்திய அமைச்சர் நிதின் கட்கரி பேசியதாவது: சாட்டீஸ்கர் மாநிலத்தில் வேளாண்துறை சிறப்பாக முன்னேற்றம் அடைந்து வருகிறது. அரிசி, கோதுமை, பருப்பு வகைகள், கரும்பு உற்பத்தி இங்கு அமோகம். ஆனால், இந்த வேளாண் கழிவுகள் எந்த பயன்பாடும் இன்றி வீணாகி வருகின்றன. இதை பயன்படுத்தி இந்த மாநிலத்தை பயோ எரிபொருள் உற்பத்தி மையமாக்க முடியும். இந்த மாநிலத்தின் ஜத்ரோபா ஆலையில் உற்பத்தி செய்யப்பட்ட பயோ எரிபொருளை பயன்படுத்தி சமீபத்தில் விமானம் இயக்கப்பட்டது. பெட்ரோலிய பொருட்களை கைவிட்டு எத்தனால், மெத்தனால், பயோ எரிபொருள், சிஎன்ஜி பயன்பாட்டுக்கு மாறினால் பெட்ரோல், டீசல் விலை குறையும். நாம் ஆண்டுக்கு ரூ.8 லட்சம் கோடி மதிப்பிலான பெட்ரோல், டீசலை இறக்குமதி செய்கிறோம். பெட்ரோல், டீசல் விலை நாளுக்கு நாள் அதிகரித்து வருகிறது. இறக்குமதியை சார்ந்திருப்பதால்தான் ரூபாய் மதிப்பும் சரிந்து வருகிறது.

நம் நாட்டிலுள்ள விவசாயிகள், பழங்குடி மக்கள் போன்றோர் எத்தனால், மெத்தனால், பயோ எரிபொருள் உற்பத்தி செய்யதால், விமானங்களை இயக்கும் அளவுக்கு அவர்கள் பணக்காரர்கள் ஆகிவிடுவார்கள். மெத்தனால், எத்தனால், பயோ எரிபொருள், சிஎன்சி, போ டீசலில் இயங்கும் ஆட்டோ, பஸ், டாக்சி ஆகியவற்றுக்கு பர்மிட் தேவையில் இருந்து விலக்கு அளிக்க முடிவு செய்துள்ளோம். பெட்ரோலிய அமைச்சகம் 5 எத்தனால் தொழிற்சாலைகளை நிறுவியுள்ளது.  அங்கு வைக்கோல், கரும்பு கழிவுகளில் இருந்து எரிபொருள் தயாரிக்கப்படும். இவ்வாறு பயோ எரிபொருள் பயன்பாட்டின் மூலம் டீசல் லிட்டர் ரூ.50க்கும், பெட்ரோல் ரூ.55க்கும் விற்க முடியும் என்றார்.


மேலும் செய்திகள்

Like Us on Facebook Dinkaran Daily News
  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

படங்கள் வீடியோ கல்வி சினிமா ஜோ‌திட‌ம்