SUN குழுமத்திலிருந்து வெளிவரும் காலை நாளிதழ்

ஈரோடு ஜவுளி சந்தையில் வியாபாரம் தொடர்ந்து மந்தம்

2018-09-12@ 00:45:06

ஈரோடு: ஈரோடு ஜவுளி சந்தையில் கடந்த ஒரு மாதகாலமாக வியாபாரம் தொடர்ந்து மந்த நிலையிலேயே உள்ளதாக வியாபாரிகள் தெரிவித்துள்ளனர். ஈரோட்டில் வாரம் தோறும் செவ்வாய்கிழமை நடக்கும் ஜவுளி சந்தையில் வேட்டி, சட்டை, சேலைகள், லுங்கி, துண்டு, உள்ளாடைகள், பெட்ஷீட், ஜமக்காளம் உள்ளிட்ட பல்வேறு வகையான ஜவுளிகள் மொத்த விலைக்கு விற்பனை செய்யப்படுகிறது. ஜவுளிகளை கொள்முதல் செய்ய தமிழகத்தின் பல்வேறு மாவட்டங்களை சேர்ந்த வியாபாரிகள் மட்டுல்லாது வெளிமாநிலங்களான கர்நாடகா, கேரளா, ஆந்திரா உள்ளிட்ட மாநிலங்களில் இருந்தும் அதிக அளவில் வியாபாரிகள் கலந்து கொண்டு ஜவுளிகளை கொள்முதல் செய்வது வழக்கம்.

 ஆனால் கடந்த 4 வாரங்களாக ஜவுளி சந்தையில் வெளிமாநில வியாபாரிகள் வருகை இல்லாததால் வியாபாரம் தொடர்ந்து மந்த நிலையிலேயே இருந்து வந்த நிலையில் நேற்று நடந்த சந்தையிலும் வெளிமாநில வியாபாரிகள் கலந்து கொள்ளாததால் வியாபாரம் பாதிக்கப்பட்டதாக சந்தை வியாபாரிகள் தெரிவித்துள்ளனர். இது குறித்து வாரச்சந்தை ஜவுளி வியாபாரிகள் கூறுகையில், ஓணம் பண்டிகைக்கு முந்தைய வாரத்தில் இருந்தே தொடர்ச்சியாக வெளிமாநில வியாபாரிகள்வரத்து நேற்று வியாபாரம் மந்த நிலையிலேயே இருந்து வருகிறது.

மொத்த வியாபாரம் அதிகரித்தால் மட்டுமே ஜவுளி சந்தை வியாபாரிகள் லாபம் எதிர்பார்க்க முடியும். ஆனால் வெளிமாநில வியாபாரிகள் வராததால் மொத்த வியாபாரம் கடுமையாக பாதிக்கப்பட்டுள்ளது. கடந்த காலங்களில் வாரம்தோறும் ரூ.2 கோடி அளவுக்கு வியாபாரம் நடந்த வந்த நிலையில் தற்போது ரூ.50 லட்சத்தை கூட தாண்டுவதில்லை. தீபாவளி சீசன் வியாபாரத்தை எதிர்பார்த்து காத்திருக்கிறோம் என்றனர்.


மேலும் செய்திகள்

Like Us on Facebook Dinkaran Daily News
  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

  • 16-07-2019

    16-072019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்