SUN குழுமத்திலிருந்து வெளிவரும் காலை நாளிதழ்

மதுரை டூ சிங்கப்பூர்: தினசரி விமான சேவையை தொடங்கியது ஏர் இந்தியா எக்ஸ்பிரஸ்

2018-08-29@ 12:16:52

மதுரை - சிங்கப்பூர் இருமார்க்கத்திலும் தினசரி விமான சேவையை ஏர் இந்தியா எக்ஸ்பிரஸ் தொடங்கியுள்ளது. மதுரை முதல் சிங்கப்பூர் வரை முதல் நேரடி விமான சேவை செப்டம்பர் 15, 2017ல் தொடங்கியது. இச்சேவை திங்கள், புதன், வெள்ளி மற்றும் ஞாயிற்றுக்கிழமைகளில் வாரத்திற்கு நான்கு நாட்கள் மட்டும் இருந்து வந்தது. இந்நிலையில் தற்போது மதுரை - சிங்கப்பூர் விமான சேவை வாரம் முழுவதும் நீட்டிக்கப்பட்டுள்ளது. ஏர் இந்தியா எக்ஸ்பிரஸ் (DAILY NON STOP flight) மூலம் செவ்வாய்க்கிழமை, வியாழக்கிழமை, சனிக்கிழமைகளில் கூடுதல் பயணத்தை தொடங்குகிறது.

மதுரை - சிங்கப்பூர் கூடுதல் விமானம் IX 484 செவ்வாய், வியாழன் மற்றும் சனிக்கிழமைகளில் மதுரையிலிருந்து மதியம் 12.15 மணிக்கு புறப்பட்டு சிங்கப்பூருக்கு இரவு 7.05 மணிக்கு சென்றடையும்.

சிங்கப்பூர் - மதுரை விமானம் IX 483 செவ்வாய், வியாழன் மற்றும் சனிக்கிழமைகளில் சிங்கப்பூரில் இருந்து இரவு 8.10 மணிக்கு புறப்பட்டு மதுரைக்கு இரவு 10 மணிக்கு வந்து சேரும்.

மதுரை - சிங்கப்பூர் விமானம் IX 684 திங்கட்கிழமை, புதன்கிழமை, வெள்ளிக்கிழமை மற்றும் ஞாயிற்றுக்கிழமைகளில் மதுரையில் இருந்து இரவு 11.15 மணிக்கு புறப்பட்டு அடுத்த நாள் காலை 6.15 மணிக்கு சிங்கப்பூர் சென்றடையும்.

சிங்கப்பூர் - மதுரை விமானம் IX 683 சிங்கப்பூரில் இருந்து செவ்வாய், வியாழன், சனி, ஞாயிற்றுக்கிழமைகளில் காலை 10.45 மணிக்கு புறப்பட்டு மதுரைக்கு மதியம் 12.30 மணிக்கு வந்தடையும் என்று தெரிவிக்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • 14-11-2018

    14-11-2018 இன்றைய சிறப்பு படங்கள்

  • kumbamelawork

    அலகாபாத்தில் 2019ம் ஆண்டிற்கான கும்பமேளா திருவிழா பணிகள் தொடக்கம்

  • karwasaathhus

    கணவரின் நலன் வேண்டி வட இந்திய பெண்கள் கொண்டாடும் கர்வா சாத் பண்டிகை

  • statuevisitors

    உலகின் மிக உயரமான சர்தார் படேல் சிலையை காண 5 நாட்களில் 75,000 பார்வையாளர்கள் வருகை

  • californiafire

    கலிபோர்னியாவில் பெரும் சேதத்தை ஏற்படுத்திய காட்டுத்தீயை அணைக்கும் பணிகள் தீவிரம்

படங்கள் வீடியோ கல்வி சினிமா ஜோ‌திட‌ம்