SUN குழுமத்திலிருந்து வெளிவரும் காலை நாளிதழ்

நாடாளுமன்றத்தில் நடந்த ஓட்டெடுப்பில் வெற்றி பாகிஸ்தான் புதிய பிரதமராக இம்ரான்கான் இன்று பதவியேற்பு

2018-08-18@ 00:14:13

இஸ்லாமாபாத் : பாகிஸ்தான் நாடாளுமன்றத்தில் நடந்த ஓட்டெடுப்பில் புதிய பிரதமராக இம்ரான்கான் தேர்வு செய்யப்பட்டார். இன்று அவர் முறைப்படி பதவி ஏற்கிறார். பாகிஸ்தான் நாடாளுமன்ற தேர்தல் ஜூன் 25ல் நடந்தது. இதில், முன்னாள் கிரிக்கெட் வீரர் இம்ரான்கான் தலைமையிலான பாகிஸ்தான் தெக்ரிக் இ இன்சாப் கட்சி 116 இடங்களை பிடித்து தனிப்பெரும் கட்சியாக உருவெடுத்தது. தேர்தல் முடிந்த பின்னர் 9 சுயேச்சை எம்பி.க்கள் இம்ரான் கட்சிக்கு ஆதரவு தெரிவித்ததால் பலம் 125 ஆனது. தேர்தல் கமிஷன் ஒதுக்கீடு இடங்கள் 60ல் ஓட்டு சதவீதம் அடிப்படையில் இம்ரான்கான் கட்சிக்கு 28 இடங்கள் ஒதுக்கப்பட்டதால் மொத்த எண்ணிக்கை 158ஐ தொட்டது. இதேபோல் பாகிஸ்தான் முஸ்லீம் லீக் நவாஸ் கட்சிக்கு மொத்தம் 82 இடங்களும், பாகிஸ்தான் மக்கள் கட்சிக்கு 53 இடங்களும் கிடைத்தன. பாகிஸ்தான் நாடாளுமன்றத்தில் நியமன உறுப்பினர்கள் உள்பட மொத்த எண்ணிக்கை 342. இதில், பிரதமராக தேர்வு செய்யப்பட வேண்டிய நபர் மொத்தம் 172 உறுப்பினர்களின் ஆதரவை பெற வேண்டும். இம்ரான் கட்சிக்கு பலசிறிய கட்சிகள் ஆதரவு தெரிவித்தன.

இதையடுத்து, பிரதமர் தேர்தலில் இம்ரான்கானை எதிர்த்து எதிர்க்கட்சிகள் சார்பில் பாகிஸ்தான் முஸ்லீம் லீக் நவாஸ் கட்சி மற்றும் பாகிஸ்தான் மக்கள் கட்சி தலைமையில் 11 கட்சிகள் இணைந்து பாகிஸ்தான் முஸ்லீம் லீக் நவாஸ் கட்சி தலைவர் ஷாபாஸ் ஷெரீப் நிறுத்தப்பட்டார். நேற்று பிரதமர் தேர்தல் ஓட்டெடுப்பு நடந்தது. இதில் எம்பிக்கள் கலந்து கொண்டு வாக்களித்தனர். இதில் இம்ரான்கான் 176 ஓட்டுகள் பெற்று அமோக வெற்றி பெற்று பாகிஸ்தான் புதிய பிரதமராக தேர்வு செய்யப்பட்டார். ஷாபாஸ் ஷெரீப்புக்கு 96 ஓட்டுகள் கிடைத்தது. இதையடுத்து பாகிஸ்தானின் 22வது பிரதமராக இம்ரான்கான் இன்று முறைப்படி பதவி ஏற்கிறார். பாகிஸ்தான் அதிபர் மாளிகையில் நடைபெறும் எளிய பதவி ஏற்பு நிகழ்ச்சியில் இம்ரான்கானுக்கு அதிபர் மாம்னூன் உசேன் பதவிப்பிரமாணம் செய்து வைக்கிறார். சித்து: இம்ரான்கான் பதவி ஏற்பு விழாவில் இந்திய முன்னாள் கிரிக்கெட் வீரர் சித்து பங்கேற்கிறார்.


மேலும் செய்திகள்

Like Us on Facebook Dinkaran Daily News
  • mo

    அமெரிக்க வெளியுறவுத்துறை அமைச்சர் மைக் பாம்பியோ பிரதமர் நரேந்திர மோடியுடன் சந்திப்பு

  • 4l

    ஓரின சேர்க்கை உரிமைகள் இயக்கத்திற்கான 50 வது ஆண்டு விழா கொண்டாட்டம்

  • c1

    ஈராக் போரில் துணிச்சலுடன் செயல்பட்ட வீரருக்கு அதிபர் டொனால்ட் டிரம்ப் பதக்கம் வழங்கினார்

  • b

    இடம்பெயருதலை தடுக்க அமெரிக்கா,மெக்ஸிகோ இடையிலான எல்லையில் 15,000 தேசிய பாதுகாப்பு படையினர் குவிப்பு

  • to1

    குஷ்னரின் மத்திய கிழக்கு சமாதான திட்டத்திற்கு எதிராக பாலஸ்தீனியர்கள் அணிவகுப்பு

படங்கள் வீடியோ கல்வி சினிமா ஜோ‌திட‌ம்