SUN குழுமத்திலிருந்து வெளிவரும் காலை நாளிதழ்

வணிகர்களுக்கு பிளாஸ்டிக் பொருட்களுக்கு தடையால் பாதிப்பு 2022ம் ஆண்டு வரை அவகாசம் தரவேண்டும்: விக்கிரமராஜா பேட்டி

2018-08-15@ 01:01:07

சென்னை: பிளாஸ்டிக் பொருட்களுக்கு தடை உத்தரவால் வணிகர்கள் பாதிக்கப்படுவார்கள் என்பதால் 2022ம் ஆண்டு வரை காலஅவகாசம் தர வேண்டும் என்று விக்கிரமராஜா கூறினார்.  தமிழ்நாடு வணிகர் சங்கங்களின் பேரமைப்பு மற்றும் அனைத்து பிளாஸ்டிக் சங்கங்களின் கூட்டமைப்பு சார்பில் விழிப்புணர்வு கருத்தரங்கு தி.நகரில் நேற்று நடந்தது. கருத்தரங்கிற்கு, பேரமைப்பு மாநில தலைவர் விக்கிரமராஜா தலைமை வகித்தார். சென்னை மண்டல தலைவர் ஜோதிலிங்கம் வரவேற்றார். மாவட்ட தலைவர்கள் மோகன், செல்வக்குமார், சாமுவே, மாநில செய்தி தொடர்பாளர்  பாண்டியராஜன், அனைத்து பிளாஸ்டிக் சங்கங்களின் கூட்டமைப்பு நிர்வாகிகள் உட்பட பலர் கலந்து கொண்டனர்.

 கருத்தரங்கின் போது, விக்கிரமராஜா நிருபர்களிடம் கூறியதாவது:  தமிழக அரசு 2019 ஜனவரி முதல் பிளாஸ்டிக் பொருட்களுக்கு தடை விதித்து அறிவித்துள்ளது. இந்த தடை அமலுக்கு வந்தால் வணிகம் பாதிக்கப்படுவதோடு  வணிகர்களும் கடும் பாதிப்புக்குள்ளாவார்கள்.  எனவே அவர்களை அழைத்து ஆலோசனை பெற்று எப்படி மாற்றம் செய்ய வேண்டும் என்பதை அறிந்து மறுபரிசீலனை செய்ய வேண்டும். நாடு தழுவிய அளவில் 2022ல் தடை என்ற  வாசகத்தை மத்திய அரசு தந்து கொண்டிருக்கிறார்கள். அதே போல் அவகாசம் கட்டாயம் வேண்டும். இதுதொடர்பாக தீர்மானம் நிறைவேற்றி உள்ளோம்.  எங்கள் கோரிக்கையை தமிழக அரசு நிறைவேற்றாதபட்சத்தில் போராடவும்  தயங்க மாட்டோம். இவ்வாறு கூறினார்.


மேலும் செய்திகள்

Like Us on Facebook Dinkaran Daily News
  • kedarnath

    கேதர்நாத் பகுதியில் யாத்திரை மேற்கொள்ள ஏற்பாடுகள் மும்மரம்: பனிபடர்ந்த பகுதிகளை அகற்றும் பேரழிவு நிவாரணப் படை

  • JadeMineMyanmar

    மியான்மரில் உள்ள மரகதக் கல் வெட்டி எடுக்கும் சுரங்க பகுதியில் பயங்கர நிலச்சரிவு...50க்கும் மேற்பட்டோர் பலி!

  • protestsdan

    மக்களாட்சி கொண்டு வர வலியுறுத்தி சூடானில் தொடர் போராட்டம் : அமைதியற்ற சூழல் நீடிப்பதால் மக்கள் பாதிப்பு

  • sachinbday

    46வது பிறந்தநாளை கொண்டாடும் கிரிக்கெட் உலகின் ஜாம்பவான் சச்சின் டெண்டுல்கரின் வீடு முன்பு குவிந்த ரசிகர்கள்

  • fingersgirl

    அமெரிக்காவில் கையெழுத்துப் போட்டியில் வென்ற விரல்கள் இல்லாத சிறுமி

படங்கள் வீடியோ கல்வி சினிமா ஜோ‌திட‌ம்