SUN குழுமத்திலிருந்து வெளிவரும் காலை நாளிதழ்

இந்திய எல்லையான லடாக் பகுதியில் 400 மீட்டர் வரை அத்துமீறி ஊடுருவிய சீனப்படைகள்!

2018-08-14@ 14:55:26

லடாக்: சீனப்படைகள் கடந்த மாதத்தில் இந்திய எல்லையான லடாக் பகுதியில் 400 மீட்டர் வரை ஊடுருவி சென்றதாக தகவல் வெளியாகியுள்ளது. ஜூலை முதல்வாரத்தில் கிழக்கு லடாக்கின் டெம்சோக் பகுதியில் 400 மீட்டர் தூரம் வரை சீன வீரர்கள் ஊடுருவி வந்தாக தகவல்கள் தெரிவிக்கின்றன. அவர்கள் 5 டென்ட்டுகள் அடித்து தங்கியதாக கூறப்படுகிறது. சீன எல்லைக்கும் பின்வாங்கி செல்லுமாறு இந்திய தரப்பில் வீரர்கள் எச்சரித்தும் அவர்கள் திரும்பி செல்லவில்லை என்று தெரிவிக்கப்பட்டுள்ளது. இரு தரப்பு ராணுவ ஆதிகாரிகளுக்கு இடையே இது குறித்து பேசப்பட்டதாக தகவல்கள் தெரிவிக்கின்றன.

செர்டோங்-நேர்லோங் பகுதியில் இருந்து 3 டென்ட்டுகளை சீனப் படையினர் அகற்றியாகவும் கூறப்படுகிறது. 2 டென்ட்டுகள் அங்கேயே இருப்பதாகவும், அதில் சில சீன வீரர்கள் பொதுமக்களை போல சாதாரண உடையில் தங்கியிருப்பதாகவும் தகவல்கள் தெரிவிக்கின்றன. கால்நடைகளை மேய்க்கும் நாடோடி பழங்குடியினரைப் போல சீனப்படை வீரர்கள் ஊடுருவி வந்ததாகவும் கூறப்படுகிறது. இந்த சம்பவம் குறித்து ராணுவத்தின் தரப்பில் எதுவும் உறுதிப்படுத்தப்படவில்லை என்று தெரிவிக்கப்பட்டுள்ளது.

கிழக்கு லடாக்கில் இருந்து அருணாச்சல பிரதேசம் வரை சுமார் 4507 கிலோ மீட்டர் தூர எல்லைப்பகுதி வரை இந்தியா சீனா இடையே எல்லை கட்டுப்பாட்டு கொடு அமைந்துள்ளது. இதில் சீன படை ஊடுருவல் முயற்சி காரணமாக லடாக்கின் டெம்சோக் உள்ளிட்ட 23 பகுதிகளில் பதற்றமான பகுதிகளாக அறியப்படுகின்றன. சீனப்படையினர் 2016-ம் ஆண்டில் 273 ஊடுருவல் முயற்சிகளை மேற்கொண்டுள்ளனர். கடந்தாண்டு 426 முறையும், நடப்பாண்டில் 170 முறை ஊடுருவல் முயற்சிகளை மேற்கொண்டுள்ளனர்.


மேலும் செய்திகள்

Like Us on Facebook Dinkaran Daily News
  • 14-11-2018

    14-11-2018 இன்றைய சிறப்பு படங்கள்

  • kumbamelawork

    அலகாபாத்தில் 2019ம் ஆண்டிற்கான கும்பமேளா திருவிழா பணிகள் தொடக்கம்

  • karwasaathhus

    கணவரின் நலன் வேண்டி வட இந்திய பெண்கள் கொண்டாடும் கர்வா சாத் பண்டிகை

  • statuevisitors

    உலகின் மிக உயரமான சர்தார் படேல் சிலையை காண 5 நாட்களில் 75,000 பார்வையாளர்கள் வருகை

  • californiafire

    கலிபோர்னியாவில் பெரும் சேதத்தை ஏற்படுத்திய காட்டுத்தீயை அணைக்கும் பணிகள் தீவிரம்

படங்கள் வீடியோ கல்வி சினிமா ஜோ‌திட‌ம்