SUN குழுமத்திலிருந்து வெளிவரும் காலை நாளிதழ்

பெரியகுளம் கூட்டுறவு தேர்தலில் வேட்புமனுவை பரிசீலனை செய்யாமல் ஓட்டம் பிடித்த தேர்தல் அலுவலர் : காணவில்லை நோட்டீஸ் ஒட்டிய அமமுக

2018-08-13@ 02:39:12

பெரியகுளம்: பெரியகுளம் கூட்டுறவு தேர்தலில் வேட்புமனுவை பரிசீலனை செய்யாமல் தேர்தல் அலுவலர் அலுவலகத்தைப் பூட்டிவிட்டு ஓட்டம் பிடித்தார். தேனி மாவட்டம், பெரியகுளம் தென்கரை கூட்டுறவு பண்டகசாலை தேர்தலுக்கான வேட்புமனு தாக்கல் கடந்த ஏப்ரல் 30ல் நடந்தது. அதிமுக மற்றும் அமமுகவினர் வேட்புமனு தாக்கல் செயிதிருந்தனர். 2.5.2018ம் தேதி வேட்புமனு பரிசீலனையில் இரு தரப்பினருக்கும் இடையே மோதல் ஏற்பட்டது. இதனால் தேதி குறிப்பிடப்படாமல் ஒத்தி வைக்கப்பட்டது. இந்நிலையில் நேற்று தேர்தல் அலுவலர் முருகேசன், இரு தரப்பையும் முறைப்படி வேட்புமனு பரிசீலனைக்காக வரும்படி அழைத்தார். நேற்று காலை 10 மணி முதல் அமமுகவினர் 15 பேர் மற்றும்  அவர்களது ஆதரவாளர்கள் வந்து தேர்தல் அலுவலருக்காக காத்திருந்தனர்.

அங்கு வந்த தேர்தல் அலுவலர் முருகேசன் முறைப்படி வேட்புமனு பரீசீலிக்கவில்லை என கூறப்படுகிறது. இதையடுத்து அமமுகவினருக்கும் தேர்தல் அலுவலருக்கும் வாக்குவாதம் ஏற்பட்டது. அப்போது தேர்தல் அலுவலர் முருகேசன், தேர்தல் அலுவலகத்தை பூட்டிவிட்டு ஓட்டம் பிடித்துள்ளார். இதனால் ஆத்திரமடைந்த அமமுகவினர் அலுவலக கதவில் தேர்தல் அலுவலரை காணவில்லை என்று நோட்டீஸ் ஒட்டி ஆர்ப்பாட்டத்தில் ஈடுபட்டனர். பின்னர் பெரியகுளம் டிஎஸ்பியிடம் தேர்தல் அலுவலரை காணவில்லை என்று புகார் அளித்தனர். முறையாக நடவடிக்கை எடுப்பதாக டிஎஸ்பி ஆறுமுகம் கூறியதையடுத்து அவர்கள் கலைந்து சென்றனர்.


மேலும் செய்திகள்

Like Us on Facebook Dinkaran Daily News
  • iraqbikersride

    ஈராக்கில் சகோதரத்துவத்தை வலியுறுத்தி இருசக்கர வாகன ஓட்டிகள் நாடு முழுவதும் சுற்றுப்பயணம்

  • niagarafallssnow

    கனடாவில் பனிபொழிவால் உறைபனியாக காட்சியளிக்கும் நயாகரா நீர்வீழ்ச்சி

  • SiddhagangaSivakumarasamy

    பெங்களூரு சித்தகங்கா மடாதிபதி சிவகுமாரசாமியின் உடல் நல்லடக்கம் : அமைச்சர்கள் பங்கேற்பு

  • govindpmawards

    பிரதமரின் தேசிய பாலர் விருதுகளை வழங்கினார் குடியரசுத் தலைவர் ராம்நாத் கோவிந்த்

  • 23-01-2019

    23-01-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்