SUN குழுமத்திலிருந்து வெளிவரும் காலை நாளிதழ்

Satya Summer Offer

தொடர் கைது நடவடிக்கை எதிரொலி இணை ஆணையர்கள் பணியிட மாற்றம் நிறுத்தம் : அறநிலையத்துறை தலைமை நடவடிக்கை

2018-08-13@ 01:41:24

சென்னை: அறநிலையத்துறை அதிகாரிகள் தொடர்ந்து கைது செய்யப்பட்டு வருவதால் இணை ஆணையர்கள் பணியிட மாற்றம் நிறுத்தி வைக்கப்பட்டுள்ளது. தமிழக அறநிலையத்துறை கட்டுப்பாட்டில் உள்ள கோயில்களில் பணிபுரியும் செயல் அலுவலர், உதவி ஆணையர், இணை ஆணையர்கள் 5 ஆயிரத்துக்கும் மேற்பட்டோர் பணிபுரிந்து வருகின்றனர். இவர்கள், விருப்பத்தின் பேரிலோ அல்லது 3 ஆண்டுகளுக்கு ஒரு முறை பணியிட மாற்றம் செய்யப்படுவது வழக்கம். ஆனால், அதிகாரிகள் பலர் 3 ஆண்டுகளுக்கும் மேலாக ஒரே இடத்தில் பணியாற்றி வந்தனர். இந்த நிலையில், பல்வேறு ேகாயில்களில் பணிபுரியும் இணை ஆணையர், கோயில் செயல் அலுவலர்கள் முறைகேடுகளில் ஈடுபடுவதாக தொடர்ந்து புகார்கள் அறநிலையத்துறை கமிஷனர் அலுவலகத்திற்கு வந்தது. இதையடுத்து கடந்த ஜூலை மாதத்தில் 84 செயல் அலுவலர்களை பணியிட மாற்றம் செய்து கமிஷனர் ஜெயா உத்தரவிட்டுள்ளார்.

இந்த நிலையில், 3 ஆண்டுகளுக்கு மேலாக ஒரே இடத்தில் பணிபுரியும் இணை ஆணையர்களை பணியிட மாற்றம் செய்ய முடிவு செய்யப்பட்டது. இதைதொடர்ந்து கமிஷனர் அலுவலகம் சார்பில் இணை ஆணையர்கள் பட்டியல் தயார் செய்யப்பட்டது. அவர்களை பணியிட மாற்றம் செய்யும் வகையில், அந்த பட்டியலுக்கு தமிழக அரசின் ஒப்புதல் கேட்டு அனுப்பி வைத்தது. இந்த நிலையில், சிலை கடத்தல், சிலை மற்றும் தேர் செய்ததில் மோசடி உள்ளிட்ட பல்வேறு விவகாரம் தொடர்பாக அறநிலையித்துறை கூடுதல் ஆணையர், இணை ஆணையர்கள் மீது புகார் எழுந்துள்ளது. இது தொடர்பாக சிலை கடத்தல் தடுப்பு பிரிவு போலீசார் விசாரணை நடத்தி வருகின்றனர். மேலும், அடுத்து எந்த அதிகாரிகள் மீது புகார் வருமோ என்ற பயத்திலும் அறநிலையத்துறை கலக்கத்தில் உள்ளது. இந்த நிலையில், தற்போது இணை ஆணையர்கள் பணியிட மாற்றம் செய்தால் சிக்கல் ஏற்பட வாய்ப்புள்ளது. இந்த நிலையில், இணை ஆணையர்கள் பணியிட மாற்றத்தை அறநிலையத்துறை நிறுத்தி வைத்து இருப்பதாக கூறப்படுகிறது.


மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்