SUN குழுமத்திலிருந்து வெளிவரும் காலை நாளிதழ்

சுதந்திர தினத்தன்று தமிழகம் முழுவதும் 449 கோயில்களில் பொது விருந்து : முதல்வர், அமைச்சர்கள் பங்கேற்பு

2018-08-13@ 01:34:59

சென்னை: தமிழகம் முழுவதும் 449 கோயில்களில் சுதந்திர தினத்தில் சிறப்பு வழிபாடு மற்றும் பொதுவிருந்து நடத்தப்பட உள்ளது. இதில், முதல்வர் பங்கேற்க உள்ளார். இதுகுறித்து தமிழக அரசு வெளியிட்டுள்ள அறிக்கை: சுதந்திர தினத்தை முன்னிட்டு வரும் 15ம் தேதி இந்து சமய அறநிலையத்துறை சார்பில் தமிழகம் முழுவதும் உள்ள 449 கோயில்களில், அனைத்து சமுதாய மக்களும் பங்குபெறும் வகையில் சிறப்பு வழிபாடு மற்றும் பொதுவிருந்து நடைபெற உள்ளது. இவ்விழாவில் கலந்துகொள்ளும் பக்தர்களுக்கு திருக்கோயில்களில் காணிக்கையாக பெறப்பட்டு உபரியாக உள்ள பருத்தி வேட்டி மற்றும் சேலைகள் வழங்கப்பட உள்ளன. மாவட்டங்களில் உள்ள திருக்கோயில்களில் மாவட்ட ஆட்சியர்கள், சட்டப்பேரவை உறுப்பினர்கள் மற்றும் மக்கள் பிரதிநிதிகள் கலந்துகொண்டு சிறப்பிக்க உள்ளனர்.

திருவொற்றியூர் தியாகராஜ சுவாமி கோயிலில் நடைபெறும் நிகழ்வில் சபாநாயகர் ப.தனபால், கே.கே.நகர் சக்தி விநாயகர் கோயிலில் முதல்வர் எடப்பாடி கே.பழனிசாமி, திருவான்மியூர் மருந்தீஸ்வரர் கோயிலில் துணை முதல்வர் ஓ.பன்னீர்செல்வம், திருவல்லிக்கேணி பார்த்தசாரதி கோயிலில் திண்டுக்கல் சீனிவாசன், அடையாறு அனந்தபத்மநாப சுவாமி கோயிலில் அமைச்சர் செங்கோட்டையன், மயிலாப்பூர் முண்டகக்கண்ணியம்மன் கோயிலில் கூட்டுறவுத் துறை அமைச்சர் செல்லூர் ராஜூ, மயிலாப்பூர் கபாலீஸ்வரர் கோயிலில் அமைச்சர் எஸ்.பி.வேலுமணி, ராயப்பேட்டை சித்தி புத்தி விநாயகர் ேகாயிலில் அமைச்சர் ஜெயக்குமார், மயிலாப்பூர் மாதவப் பெருமாள் கோயிலில் அமைச்சர் எம்.சி.சம்பத் உட்பட சென்னையில் 35 கோயில்களில் சிறப்பு வழிபாடு மற்றும் பொது விருந்தில் அமைச்சர்கள் கலந்து கொள்கின்றனர்.


மேலும் செய்திகள்

Like Us on Facebook Dinkaran Daily News
  • iraqbikersride

    ஈராக்கில் சகோதரத்துவத்தை வலியுறுத்தி இருசக்கர வாகன ஓட்டிகள் நாடு முழுவதும் சுற்றுப்பயணம்

  • niagarafallssnow

    கனடாவில் பனிபொழிவால் உறைபனியாக காட்சியளிக்கும் நயாகரா நீர்வீழ்ச்சி

  • SiddhagangaSivakumarasamy

    பெங்களூரு சித்தகங்கா மடாதிபதி சிவகுமாரசாமியின் உடல் நல்லடக்கம் : அமைச்சர்கள் பங்கேற்பு

  • govindpmawards

    பிரதமரின் தேசிய பாலர் விருதுகளை வழங்கினார் குடியரசுத் தலைவர் ராம்நாத் கோவிந்த்

  • 23-01-2019

    23-01-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்