SUN குழுமத்திலிருந்து வெளிவரும் காலை நாளிதழ்

அண்ணா தொழிற்சங்க பேரவையில் ரூ8 கோடி மோசடி அதிமுக முன்னாள் எம்எல்ஏ சின்னசாமி அதிரடி கைது: மத்திய குற்றப்பிரிவு போலீசார் நடவடிக்கை

2018-08-13@ 01:28:50

சென்னை: அண்ணா தொழிற்சங்கத்தில் ரூ8 கோடி மோசடி செய்ததாக அதிமுக முன்னாள் எம்எல்ஏ சின்னசாமியை சென்னை மத்திய குற்றப்பிரிவு போலீசார் கைது செய்தனர். கோவை மாவட்டம் சிங்காநல்லூர் தொகுதி முன்னாள் எம்எல்ஏ சின்னசாமி. அதிமுகவை சேர்ந்த இவர் ஜெயலலிதா ஆட்சி காலத்தில், அண்ணா தொழிற்சங்க பேரவை செயலாளராக பதவி வகித்து வந்தார். ஜெயலலிதா இறப்புக்கு பின், அதிமுக இரண்டாக உடைந்தது. அதில் டிடிவி தினகரன் அணியில் சின்னசாமி உள்ளார். அதைத்தொடர்ந்து எடப்பாடி அணியினர் சின்னசாமியை அண்ணா தொழிற்சங்க செயலாளர் பதவியில் இருந்து நீக்கினர். அதன்பின் அண்ணா தொழிற்சங்கத்தின் வரவு செலவு கணக்குகளை ஆய்வு செய்தபோது, அதில் ரூ8 கோடி கையாடல் செய்தது தெரியவந்தது.

இதையடுத்து எடப்பாடி அணியினர் சென்னை போலீஸ் கமிஷனர் அலுவலகத்தில் முன்னாள் எம்எல்ஏ சின்னசாமி மீது புகார் அளித்தனர். அந்த புகாரின் பேரில் விசாரணை நடத்த போலீஸ் கமிஷனர் ஏ.கே. விஸ்வநாதன் மத்திய குற்றப்பிரிவு போலீசாருக்கு உத்தரவிட்டார். அதன்படி போலீசார் தீவிர விசாரணை நடத்தியதில், சின்னசாமி அண்ணா தொழிற்சங்க பேரவை செயலாளராக இருந்தபோது, முறைகேடான வகையில், ரசீது, உறுப்பினர் அடையாள அட்டை மூலம் ரூ8 கோடி கையாடல் செய்தது தெரியவந்தது. இதையடுத்து மத்திய குற்றப்பிரிவு போலீசார் சின்னசாமியை கோவையில் நேற்று கைது செய்தனர். தற்போது சின்னசாமி டிடிவி தினகரனின் அம்மா மக்கள் முன்னேற்ற கழக அண்ணா தொழிற்சங்க மாநில செயலாளராக உள்ளார்.

மேலும் செய்திகள்

Like Us on Facebook Dinkaran Daily News
  • 24-10-2018

    24-10-18 இன்றைய சிறப்பு படங்கள்

  • FoamFightScotland

    முதலாம் ஆண்டு மாணவர்களை வித்தியாசமான முறையில் வரவேற்ற ஸ்காட்லாந்து பல்கலைக்கழம்: புகைப்படங்கள்

  • SALTMarchRashtrapti

    ராஷ்டிரபதி பவன் அருங்காட்சியகத்தில் புதிதாக வைக்கப்பட்டுள்ள காந்தியடிகளின் உருவ சிலைகள்: மாணவர்கள் கண்டுகளிப்பு

  • NagoroJapanVillage

    ஜப்பானில் உள்ள தீவில் வெறிச்சோடிய கிராமத்தை பொம்மைகளால் உயிரூட்டிய பெண்: குவியும் சுற்றுலா பயணிகள்

  • FallFoilageWorld

    உலகின் பல்வேறு நாடுகளில் எடுக்கப்பட்ட இலையுதிர் காலத்தின் அழகிய புகைப்படங்கள்

படங்கள் வீடியோ கல்வி சினிமா ஜோ‌திட‌ம்