SUN குழுமத்திலிருந்து வெளிவரும் காலை நாளிதழ்

Satya Summer Offer

சந்திராயன்-2 திட்டத்தில் முக்கிய மாற்றம் இல்லை : இஸ்ரோ தலைவர் சிவன் தகவல்

2018-08-13@ 00:52:21

பெங்களூரு: சந்திராயன்-2 திட்டத்தில் முக்கிய மாற்றம் எதுவும் செய்யப்படவில்லை என இஸ்ரோ தலைவர் சிவன் கூறினார்.இந்திய  விண்வெளி ஆராய்ச்சி நிறுவனம் (இஸ்ரோ) நிலவை ஆராய்ச்சி செய்வதற்கான  முயற்சியில் தீவிரமாக ஈடுபட்டுள்ளது. ஏற்கனவே சந்திராயன்-1 என்ற தி்ட்டத்தை  வெற்றிகரமாக நடத்தி இஸ்ரோ சாதனை படைத்த நிலையில், இரண்டாவது முயற்சியாக  சந்திராயன்-2  என்ற திட்டத்தை செயல்படுத்தவும் முடிவு செய்தது. நிலவை ஆராய்ச்சி  செய்யும் இத்திட்டத்தில்  முக்கியமான மாற்றம் செய்யப்பட்டதாக தகவல்கள்   தெரிவிக்கின்றன. பழைய திட்டத்தில் வெளி வட்டபாதையில் விண்கலத்தை நிலை  நிறுத்திவிட்டு ரோவர் மட்டும் நிலவில் இறக்கப்பட்டு  ஆராய்ச்சி நடந்தது. சந்திராயன்-2 திட்டத்திலும் அதுபோல்தான் செய்யலாம்  என்ற நிலையில் இஸ்ரோ அதிகாரிகள் நடத்திய ஆலோசனையில் முக்கிய திருத்தம்  செய்யப்பட்டது.

அதாவது வெளிவட்ட பாதையில் விண்கலத்தை நிலை நிறுத்தாமல்  நேரடியாக நிலவின் மீதே விண்கலத்தை இறங்க செய்வது என்றும், அதன்பிறகு ரோவர்  வாகனத்தை இயக்கி நிலவின் தட்ப வெப்பம் உள்ளிட்ட காரணிகளை பதிவு செய்யலாம்  எனவும் முடிவு செய்யப்பட்டுள்ளது. ஆனால், இது தொடர்பாக இஸ்ரோ தலைவர் சிவன் கூறுகையில், “சந்திராயன்-2 திட்டத்தில்  பெரிய மாற்றம் எதுவும் செய்யவில்லை. நிலவுக்கு செலுத்தும் விண்கலத்தின்  உருவத்திலும் ரோவர் வாகனத்தின் வடிவிலும் இன்ஜினியரிங் நுட்பத்தின்  உதவியால் மாற்றம் செய்யப்பட்டுள்ளது. மற்றபடி அத்திட்டத்தில் வேறு எந்த  மாற்றமும் செய்யவில்லை. எளிமையாக கூறவேண்டும் என்றால் சந்திராயன்-2  விண்கலம் மற்றும் அதன் தொழில்நுட்ப கருவிகளின் வடிவத்தை  மாற்றி அமைத்துள்ளோம்’’ என்றார்.



மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்