SUN குழுமத்திலிருந்து வெளிவரும் காலை நாளிதழ்

நோபல் பரிசு பெற்ற எழுத்தாளர் நைபால் மரணம்

2018-08-13@ 00:36:02

லண்டன்: இந்திய வம்சாவளியை சேர்ந்தவரும், இலக்கியத்துக்கான நோபல் பரிசு பெற்ற எழுத்தாளருமான நைபால் நேற்று காலை மரணமடைந்தார். மேற்கிந்திய தீவுகளில் உள்ள டிரினிடாட்டில் 1932ம் ஆண்டு ஆகஸ்ட் 17ம் தேதி பிறந்தவர் வித்யாதர் சுராஜ் பிரசாத் நைபால். இந்திய இந்து குடும்பத்தில் பிறந்த இவர் தனது 18வது வயதில் பெற்றோருடன் லண்டனில்  குடியேறினார். ஆக்ஸ்போர்டு பல்கலைக்கழகத்தில் ஆங்கிலம் இலக்கியம் படித்தார். நைபால் 30க்கும் மேற்பட்ட புத்தகங்களை எழுதியுள்ளார். இவர் பல்வேறு விருதுகளை பெற்றுள்ளார். 1971ம் ஆண்டு நைபாலுக்கு புக்கர் விருது  வழங்கப்பட்டது. 2001ம் ஆண்டு இலக்கியத்துக்கான நோபல் பரிசை நைபால் பெற்றார்.

இந்நிலையில் 85 வயதான நைபால் முதுமை காரணமாக லண்டனில் உள்ள தனது வீட்டில் நேற்று  உயிரிழந்ததாக அவரது குடும்பத்தினர்  ெதரிவித்துள்ளனர். புகழ்பெற்ற எழுத்தாளரான நைபால் மறைவுக்கு பிரபல எழுத்தாளர்கள் இரங்கல் தெரிவித்துள்ளனர்.
பிரதமர் நரேந்திரமோடி தனது டிவிட்டர் பதிவில், “நைபாலின் சிறந்த பணிகள் நினைவில் கொள்ளத்தக்கவை. அவரது மறைவு இந்த உலகத்துக்கு மிகப்பெரிய இழப்பு. அவரது குடும்பத்தினருக்கு ஆழ்ந்த இரங்கலை  தெரிவித்துக்கொள்கிறேன்” என கூறியுள்ளார்.



மேலும் செய்திகள்

Like Us on Facebook Dinkaran Daily News
  • malar_modi12

    2வது முறையாக பிரதமராகும் நரேந்திர மோடி ; கட்சித் தலைவர்கள் மோடிக்கு மலர் கொத்துக்களுடன் வாழ்த்து

  • peruearthqq1

    பெரு நாட்டில் சக்தி வாய்ந்த நிலநடுக்கம் : ரிக்டர் அளவுகோலில் சுமார் 8 ஆக பதிவு

  • Trump_japan11

    அமெரிக்க அதிபர் ட்ரம்ப் ஜப்பான் பயணம் : ஜப்பான் பிரதமருடன் கோல்ஃப் விளையாடி அசத்தல்

  • kashmir_kola11

    தீவிரவாதி ஜாகீர் முசா கொல்லப்பட்டதன் எதிரொலி : காஷ்மீரில் வன்முறை வெடிப்பு; ஊரடங்கு உத்தரவு அமல்

  • 20aacident_died11

    சூரத்தில் கல்வி பயிற்சி மையத்தில் பயங்கர தீ விபத்து: 20 பேர் பரிதாப பலி

படங்கள் வீடியோ கல்வி சினிமா ஜோ‌திட‌ம்