SUN குழுமத்திலிருந்து வெளிவரும் காலை நாளிதழ்

Satya Summer Offer

66 ரன்னுக்கு 6 விக்கெட் இழந்து திணறல் இன்னிங்ஸ் தோல்வியின் பிடியில் இந்தியா: ஆண்டர்சன், பிராடு அபார பந்துவீச்சு

2018-08-13@ 00:25:17

லண்டன்: இங்கிலாந்து அணியுடனான 2வது டெஸ்டில், இந்திய அணி 2வது இன்னிங்சில் அடுத்தடுத்து விக்கெட்டுகளை பறிகொடுத்து இன்னிங்ஸ் தோல்வியின் பிடியில் சிக்கியது.லார்ட்ஸ் மைதானத்தில் நடந்து வரும் இப்போட்டியின் முதல் நாள் ஆட்டம் கனமழை காரணமாக ஒரு பந்து கூட வீசப்படாமல் கைவிடப்பட்டது. இரண்டாம் நாளில் , டாஸ் வென்ற இங்கிலாந்து அணி முதலில் பந்துவீசிய  நிலையில், இந்தியா முதல் இன்னிங்சில் 107 ரன்னுக்கு ஆல் அவுட்டானது. மூன்றாம் நாள் காலையில் முதல் இன்னிங்சை தொடங்கிய இங்கிலாந்து, அன்றைய ஆட்ட நேர முடிவில் 6 விக்கெட் இழப்புக்கு 357 ரன் எடுத்திருந்தது.கிறிஸ் வோக்ஸ் 120 ரன், சாம் கரன் 22 ரன்னுடன் நேற்று ஆட்டத்தை தொடர்ந்தனர். கரன் 40 ரன் எடுத்து ஹர்திக் வேகத்தில் ஷமி வசம் பிடிபட்டார். இங்கிலாந்து 7 விக்கெட் இழப்புக்கு 396 ரன் என்ற ஸ்கோருடன் முதல்  இன்னிங்சை டிக்ளேர் செய்தது. வோக்ஸ் 137 ரன்னுடன் (177 பந்து, 21 பவுண்டரி) ஆட்டமிழக்காமல் இருந்தார். இந்திய பந்துவீச்சில் முகமது ஷமி, ஹர்திக் பாண்டியா தலா 3 விக்கெட், இஷாந்த் ஷர்மா 1 விக்கெட் வீழ்த்தினர்.

இதைத் தொடர்ந்து, 289 ரன் பின்தங்கிய நிலையில் இந்திய அணி 2வது இன்னிங்சை தொடங்கியது. தொடக்க வீரர்களாக முரளி விஜய், லோகேஷ் ராகுல் களமிறங்கினர். விஜய் ரன் ஏதும் எடுக்காமல் ஆண்டர்சன் வேகத்தில்  விக்கெட் கீப்பர் பேர்ஸ்டோ வசம் பிடிபட்டார். இவர் முதல் இன்னிங்சிலும் டக் அவுட்டாகி இருந்தது குறிப்பிடத்தக்கது. ராகுல் 10 ரன் எடுத்து ஆண்டர்சன் பந்துவீச்சில் எல்பிடபுள்யு முறையில் ஆட்டமிழந்தார்.கடுமையாகப் போராடிய புஜாரா - ரகானே ஜோடி 3வது விக்கெட்டுக்கு 22 ரன் சேர்த்தது. ரகானே 13 ரன் எடுத்து பிராடு வேகத்தில் ஜென்னிங்ஸ் வசம் கேட்ச் கொடுத்து பெவிலியன் திரும்பினார். புஜாரா - கேப்டன் கோஹ்லி  ஜோடியாவது அணியை சரிவில் இருந்து மீட்குமா? என இந்திய ரசிகர்கள் கவலையோடு காத்திருக்க, இருவரும் தலா 17 ரன் எடுத்து பிராடு வேகத்தில் விக்கெட்டை பறிகொடுத்தனர். தினேஷ் கார்த்திக் முதல் பந்திலேயே டக் அவுட்டாகி ஏமாற்றமளித்தார். இந்திய அணி 32 ஓவரில் 66 ரன்னுக்கு 6 விக்கெட் இழந்து திணறிய நிலையில் மழை காரணமாக ஆட்டம் தடைபட்டது. தேநீர் இடைவேளை வரை இதே  நிலை நீடித்தது. கை வசம் 4 விக்கெட் மட்டுமே எஞ்சியிருக்க, இன்னிங்ஸ் தோல்வியை தவிர்க்கவே இன்னும் 223 ரன் தேவை என்பதால் இப்போட்டியில் இந்திய அணியின் தோல்வி உறுதியாகிவிட்டது.



மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்