SUN குழுமத்திலிருந்து வெளிவரும் காலை நாளிதழ்

நிர்வாக படிப்பு பட்டம் இல்லாவிட்டாலும் வீட்டுக்கு உள்ளேயும், வெளியேயும் பெண்கள் சிறந்த நிர்வாகிகள்: சபாநாயகர் சுமித்ரா மகாஜன் பாராட்டு

2018-08-13@ 00:16:35

சண்டிகர்: பாரத் விகாஸ் பரிஷத் என்ற அமைப்பின் சார்பில், பெண் தொழிலாளர்கள் மாநாடு, பஞ்சாப் மற்றும் அரியானா தலைநகர் சண்டிகரில் நேற்று நடத்தப்பட்டது. இதில் மக்களவை சபாநாயகர் சுமித்ரா மகாஜன் பேசியதாவது: வேலைக்கு செல்லும் பெண்கள் வீட்டிலும், வெளியேயும் இரு வேலைகள் பார்க்கிறார்கள் என சண்டிகர் எம்.பி கிரோன் சரியாக சொன்னார். நாங்களும் அப்படித்தான் என ஆண்கள் கூறினாலும், வீட்டு வேலை செய்வதை எந்த  ஆணும் பெருமையாக கூறுவதில்லை. நிர்வாக படிப்பு பட்டம் பெறாவிட்டாலும் பெண்கள் மிகச் சிறந்த நிர்வாகிகள். பெண்கள் சிறந்த நிர்வாகி என்பதை அவர்கள் உணர்வதில்லை. ஏனென்றால் இல்லத்தரசிகள், நாங்கள் எதுவும்  செய்யவில்லை என கூறுகிறார்கள். இல்லத்தரசி என்றால் வேலை இல்லாதவள் என பெண்கள் நினைக்கின்றனர். முதலில் அந்த எண்ணத்திலிருந்து பெண்கள் விடுபட வேண்டும். இல்லத்தரசிகள் அதிகம் பணியாற்றுகின்றனர்.

திருமணத்துக்குப்பின் ஒரு குடும்பத்தையே நிர்வகிக்கிறீர்கள். உங்கள் சொந்த குடும்பத்தைவிட்டு, புது குடும்பத்தில் இணைந்து அவர்களை உங்கள் குடும்ப உறுப்பினர்களாக நினைத்து பணியாற்றுகிறீர்கள். அவர்களின் பழக்க  வழக்கங்களுக்கு ஏற்ப நீங்கள் மாறிகொள்கிறீர்கள். புகுந்த வீட்டில் இருக்கும் உறுப்பினர்களுக்கு தகுந்தபடி நீங்கள் அவர்களை கவனித்துக் கொள்கிறீர்கள். இதுதான் முழு நிர்வாகம். அவற்றை நீங்கள்தான் செய்கிறீர்கள் என்பதை  யாரையும் உணரச் செய்வதில்லை. சமூகத்தில் பெண்களும் ஒரு பகுதிதான். பல விஷயங்களில் நீங்கள் உங்கள் கருத்தை தெரிவிக்கலாம். வீட்டில் தாய் புத்திசாலியாக இல்லையென்றால், அந்த குடும்பம் புத்திசாலியாக மாறாது. தங்கள் குழந்தைகளுக்கு  வழிகாட்டும் அளவுக்கு பெண்கள் அறிவை வளர்த்துக் கொள்ள வேண்டும். எந்த வேலையை தேர்வு செய்ய வேண்டும் என தாயிடம் குழந்தைகள் கேட்க வேண்டும். அவரைத்தான் வெற்றிகரமான தாய் என நான் கூறுவேன். இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • malar_modi12

    2வது முறையாக பிரதமராகும் நரேந்திர மோடி ; கட்சித் தலைவர்கள் மோடிக்கு மலர் கொத்துக்களுடன் வாழ்த்து

  • peruearthqq1

    பெரு நாட்டில் சக்தி வாய்ந்த நிலநடுக்கம் : ரிக்டர் அளவுகோலில் சுமார் 8 ஆக பதிவு

  • Trump_japan11

    அமெரிக்க அதிபர் ட்ரம்ப் ஜப்பான் பயணம் : ஜப்பான் பிரதமருடன் கோல்ஃப் விளையாடி அசத்தல்

  • kashmir_kola11

    தீவிரவாதி ஜாகீர் முசா கொல்லப்பட்டதன் எதிரொலி : காஷ்மீரில் வன்முறை வெடிப்பு; ஊரடங்கு உத்தரவு அமல்

  • 20aacident_died11

    சூரத்தில் கல்வி பயிற்சி மையத்தில் பயங்கர தீ விபத்து: 20 பேர் பரிதாப பலி

படங்கள் வீடியோ கல்வி சினிமா ஜோ‌திட‌ம்