SUN குழுமத்திலிருந்து வெளிவரும் காலை நாளிதழ்

Satya Summer Offer

சென்னையில் பிரபல ரவுடிகள் 2 பேர் துப்பாக்கிமுனையில் போலீசாரால் கைது

2018-08-12@ 17:53:53

சென்னை: சென்னையில் காக்கா தோப்பு பாலாஜி உள்ளிட்ட பிரபல ரவுடிகள் 2 பேரை போலீசார் துப்பாக்கிமுனையில் கைது செய்துள்ளனர். சென்னை புளியந்தோப்பு, சூளை அங்காளம்மன் கோயில் தெருவை சேர்ந்த ஜங்கிலி கணேஷ் என்பவர் மீது, 4 கொலை, 10 கொலைமுயற்சி, வழிப்பறி உள்ளிட்ட 26 வழக்குகள் நிலுவையில் உள்ளன. இவன் 9 முறை குண்டர் தடுப்பு சட்டத்திலும் கைது செய்யப்பட்டுள்ளான்.புளியந்தோப்பு பகுதியில் உள்ள கடைகள், வணிக நிறுவனங்களில் ஜங்கிலி கணேஷ் மாமூல் கேட்டு மிரட்டுவதாக ஏராளமான புகார்களும் எழுந்தன. 2013 -ஆம் ஆண்டு புளியந்தோப்பில் விஜய் என்பவரை கொலை செய்த வழக்கில் முக்கிய குற்றவாளியான ஜங்கிலி கணேஷைக் கொல்ல, விஜய்யின் கூட்டாளிகள் திட்டம் தீட்டி வந்துள்ளனர். இதையறிந்த ஜங்கிலி கணேஷ், அவர்களை கொல்ல நேற்றிரவு ஆயுதங்களுடன் டி.பி. சத்திரத்தை சேர்ந்த கூட்டாளி சந்தோஷ் ராஜாவுடன் புளியந்தோப்புக்கு வந்துள்ளான்.

இதையறிந்த புளியந்தோப்பு போலீசார் ஜங்கிலி கணேசை மடக்கி பிடித்து கைது செய்தனர். கூட்டாளி சந்தோஷ் ராஜா தலைமறைவானான். இதேபோல, பாரிமுனை முத்தியால்பேட்டை காவல் நிலைய எல்லையில், பிரபல கூலிப்படை தலைவன் காக்கா தோப்பு பாலாஜியையும் போலீசார் நேற்றிரவு கைது செய்தனர். இவன் மீது 7 கொலை வழக்குகள் உட்பட 56 வழக்குகள் நிலுவையில் உள்ளன. ஜாமினில் வெளிவந்த காக்கா தோப்பு பாலாஜி, பல்வேறு வழக்குகளில் ஆஜராகாததால் போலீசாரால் கைது செய்யப்பட்டுள்ளான். சென்னையில் பல்வேறு வழக்குகளில் தலைமறைவாக இருந்த கொலை குற்றவாளிகள் இருவர், நேற்று ஒரே இரவில் வெவ்வேறு இடங்களில் கைது செய்யப்பட்டுள்ளது குறிப்பிடத்தக்கது.


மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்