SUN குழுமத்திலிருந்து வெளிவரும் காலை நாளிதழ்

Satya Summer Offer

மணிமுத்தாறு மலையில் வைரக்கல் எடுக்க குழி தோண்டிய கும்பல் : வனத்துறையிடம் சிக்கிய 5 பேர்

2018-08-12@ 02:47:04

அம்பை : மணிமுத்தாறு மலையில் வைரக்கல் எடுக்க குழி தோண்டிய கேரள வாலிபர்கள் உள்பட 5 பேர் கொண்ட கும்பலை வனத்துறையினர் கைது செய்தனர். நெல்லை மாவட்டம் மேற்குத்தொடர்ச்சி மலை புலிகள் காப்பக பகுதிகளான களக்காடு, மணிமுத்தாறு வனப்பகுதியில் அபூர்வ வைர, வைடூரிய கற்கள் மற்றும் கனிமப் பொருட்கள் உள்ளதாக கூறப்படுகிறது. இந்த மலைப்பகுதியில் உள்ள காரையாறு சொரிமுத்து அய்யனார் கோயில் ஆடி அமாவாசையையொட்டி கடந்த ஒரு வாரமாக களக்காடு முண்டந்துறை புலிகள் காப்பக அதிகாரிகள், உயர் அலுவலர்கள் வனப்பகுதியில் பாதுகாப்பு பணியில் ஈடுபட்டு வருகின்றனர். இதேபோல் பிற வனப்பகுதிகளை பாதுகாக்க சிறப்பு குழுவினர் தீவிர ரோந்து பணியில் உள்ளனர்.

நேற்று அம்பை சரகம் சிங்கம்பட்டி 2ம் நம்பர் பீட் எலுமிச்சை ஆறு அருகே உள்ள ஒத்தப்பனை வனப்பகுதியில் சிறப்பு குழுவினர் ரோந்து சென்றபோது குழி தோண்டும் சப்தம் கேட்டு அப்பகுதிக்கு விரைந்தனர். அவர்களை கண்டதும் ஒருவர் தப்பியோட, மற்ற 5 பேரை சுற்றி வளைத்தனர். விசாரணையில் அவர்கள் அயன்சிங்கம்பட்டியைச் சேர்ந்த தங்கவேல் (69),  ராஜா (37), கேரள மாநிலம் திருவனந்தபுரத்தைச் சேர்ந்த பிஜூவ்(37), ஆலப்புழா  சந்திரதாசன்(49), கொல்லம் அபிராஜ் (26) என்பதும், இவர்கள் வைரக்கல் எடுக்க குழி தோண்டியதும் தெரிய வந்தது. இதையடுத்து 5 பேரையும் கைது செய்த வனத்துறையினர், கோர்ட்டில் ஆஜர்படுத்தி பாளை. மத்திய சிறையில் அடைத்தனர்.


மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்