SUN குழுமத்திலிருந்து வெளிவரும் காலை நாளிதழ்

Satya Summer Offer

கடன் பிரச்னையால் பரிதாபம் குடும்பத்துடன் தற்கொலை முயற்சி பெண் பலி: 3 பேருக்கு சிகிச்சை

2018-08-11@ 03:43:39

கோவை: கடன் பிரச்னை காரணமாக குடும்பத்துடன் விஷம் குடித்து தற்கொலைக்கு முயன்றதில் ஒருவர் உயிரிழந்தார். ஆபத்தான நிலையில் 3 பேருக்கு மருத்துவமனையில் சிகிச்சை அளிக்கப்பட்டு வருகிறது. கோவை குனியமுத்தூர் அய்யப்பன் நகரை சேர்ந்த  ஆறுமுகம் என்பவர் மகன் ஜானகிராமன் (44). இவர் கரும்புக்கடை அருகேயுள்ள சாரமேடு பகுதியில் பெண்களுக்கான ஆடை தயாரிக்கும் கார்மென்ட்ஸ் நிறுவனம் நடத்தி வருகிறார். இவர் மனைவி சசிகலா (37). இவர்களுக்கு சிநேகா (16), ஹேமாவர்ணா (14) என இரு மகள் உள்ளனர். சிநேகா பிளஸ்-2 படிக்கிறார். ஹேமாவர்ணா 9ம் வகுப்பு படித்து வருகிறார்.  ஜானகிராமன் தொழில் தொடர்பாக பல லட்ச ரூபாய் கடன் வாங்கியிருந்தார். இந்த கடன் தொகையை திருப்பி தர முடியாமலும், தொழிலை சிறப்பாக நடத்த முடியாமலும் தவித்து வந்தார். கார்மென்ட்ஸ் நிறுவனத்தை மூடினாலும் இழப்பு ஏற்படும் என்பதால் கவலையுடன் காணப்பட்டார்.

கடனில் இருந்து மீள முடியாத நிலையில் ஜானகிராமன் தனது மனைவியுடன் பேசி, குடும்பத்துடன் தற்கொலைக்கு முடிவு செய்துள்ளார். நேற்று முன்தினம் இரவு ஜானகிராமனும், அவர் மனைவியும் இரு மகள்களுக்கு விஷம் கொடுத்த பிறகு அவர்களும் விஷம் குடித்தனர். தொடர்ந்து ஜானகிராமன் தனது அண்ணன் கார்த்திகேயனின் செல்போனில் அழைத்து பேசியுள்ளார். அப்போது அவர் நான் குடும்பத்தினருடன் விஷம் குடித்து விட்டேன், எங்களை அடக்கம் செய்து விடுங்கள் எனக்கூறியுள்ளார். இதைக்கேட்டு அதிர்ச்சியடைந்த கார்த்திகேயன், உடனடியாக ஜானகிராமன் வீட்டுக்கு சென்று மயங்கி கிடந்த 4 பேரையும் மீட்டு கோவை அரசு மருத்துவமனையில் சேர்த்தார். இதில் சசிகலா நேற்று காலை சிகிச்சை பலனின்றி இறந்தார். மற்ற 3 பேருக்கும் தீவிர சிகிச்சை அளிக்கப்பட்டு வருகிறது. ஜானகிராமனுக்கு கடன் கொடுத்தவர்கள் பணம் கேட்டு மிரட்டியதாக கூறப்படுகிறது. மிரட்டலுக்கு பயந்து அவர் குடும்பத்தினருடன் விஷம் குடித்திருக்கலாம் என தெரிகிறது. இது தொடர்பாக குனியமுத்தூர் போலீசார் விசாரித்து வருகின்றனர்.


மேலும் செய்திகள்

Satya Summer Offer
Like Us on Facebook Dinkaran Daily News
  • 19-03-2019

    19-03-2019 இன்றைய சிறப்பு படங்கள்

  • mylai_kabal1

    பங்குனி உத்திர திருவிழா : மயிலாப்பூர் கபாலீஸ்வரர் கோயிலில் தேரோட்டம் கோலாகலம்

  • parade_eye1

    புனித பாட்ரிக் தினம் :காணுமிடமெல்லாம் பசுமையை குறிக்கும் பச்சைநிற ஆடையுடன் அணிவகுப்பு

  • newattack

    நியூசிலாந்து மசூதியில் நடந்த துப்பாக்கிச்சூட்டில் பரிதாபமாக 8 இந்தியர்கள் பலி

  • siva_muthu12

    காரைக்குடி முத்துமாரியம்மன் கோவில் திருவிழா! : ஏராளமான பக்தர்கள் பால்குடங்களுடன் ஊர்வலம்

படங்கள் வீடியோ கல்வி சினிமா ஜோ‌திட‌ம்