SUN குழுமத்திலிருந்து வெளிவரும் காலை நாளிதழ்

மணல் கடத்தலை தடுக்க முயன்றதால் ஆத்திரம் கடலாடி துணை தாசில்தாரை டிராக்டர் ஏற்றி கொல்ல முயற்சி

2018-08-11@ 03:42:45

சாயல்குடி: மணல் திருட்டை தடுக்க முயன்ற துணை தாசில்தார் மீது டிராக்டர் ஏற்றி கொல்ல முயன்ற சம்பவம் சாயல்குடி அருகே பரபரப்பை ஏற்படுத்தியுள்ளது. ராமநாதபுரம் மாவட்டம், சாயல்குடி அருகே குதிரைமொழி பகுதியில் மணல் திருட்டு நடப்பதாக வருவாய்த்துறையினருக்கு புகார்கள் வந்தன. இதையடுத்து கடலாடி துணை தாசில்தார் செந்தில்வேல்முருகன், நேற்று அதிகாைல 5 மணியளவில் குதிரைமொழி பகுதியில் தீவிர ரோந்து பணியில் ஈடுபட்டார். அப்போது அனுமதியின்றி மணல் ஏற்றியபடி வந்து கெ்ாண்டிருந்த டிராக்டரை அவர் வழிமறித்தார். இதனால் ஆத்திரமடைந்த மணல் கடத்தல் கும்பல், டிராக்டரை நிறுத்தாமல் அதிவேகத்தில் செந்தில்வேல்முருகனை நோக்கி மோதுவதற்காக வந்தது.

சுதாரித்துக் கொண்ட அவர் தாவிக் குதித்து ஓடி தப்பினார். இதனால் நிலைதடுமாறி, அருகே இருந்த பனைமரத்தின் மீது மோதி டிராக்டர் விபத்துக்குள்ளானது. டிராக்டரை விட்டுவிட்டு டிரைவர் உள்ளிட்ட கும்பல்  தப்பிச் சென்றது. துணை தாசில்தார் சாயல்குடி காவல் நிலையத்தில் புகார் செய்தார். அதன்பேரில், போலீசார் வழக்குப்பதிந்து டிராக்டரை பறிமுதல் செய்து, மேல்நடவடிக்கைக்காக பரமக்குடி உதவி கலெக்டரிடம் டிராக்டரை ஒப்படைத்தனர்.  இதுதொடர்பாக டிராக்டர் டிரைவர் சாயல்குடி அருகே தரைக்குடியைச் சேர்ந்த சக்திவேல் (38) என்பவரை போலீசார் கைது செய்தனர்.


மேலும் செய்திகள்

Like Us on Facebook Dinkaran Daily News
  • 12-12-2018

    12-12-2018 இன்றைய சிறப்பு படங்கள்

  • ramnathgovind

    மியான்மரில் அதிபர் ஆங் சான் சூகியுடன் இந்திய ஜனாதிபதி ராம்நாத் கோவிந்த் சந்திப்பு

  • GuangxiZhuangcele

    தெற்கு சீனாவின் குவாங்ஸி ஜுவாங் தன்னாட்சி பிரதேசத்தின் 60வது ஆண்டு விழா கொண்டாட்டம்

  • chinaexpo

    சீனாவின் பொருளாதார சீர்திருத்தத்தின் 40ம் ஆண்டு நிறைவு விழா: லண்டனில் புகைப்பட கண்காட்சி

  • londonbrexit

    சர்வதேச நாடுகளுடனான பிரெக்சிட் ஒப்பந்தத்திற்கு எதிர்ப்பு தெரிவித்து லண்டனில் மக்கள் போராட்டம்

படங்கள் வீடியோ கல்வி சினிமா ஜோ‌திட‌ம்