SUN குழுமத்திலிருந்து வெளிவரும் காலை நாளிதழ்

குளச்சல் விசைப்படகுகளில் செம்மீன், நாக்கண்டம் அதிகளவில் பிடிபட்டன

2018-08-10@ 01:03:30




குளச்சல்: குளச்சல் கடல் பகுதியில் சுமார் 300க்கும் மேற்பட்ட விசைப்படகுகள் உள்ளன. இவர்கள் ஆழ்கடல் பகுதிக்கு சென்று சுமார் 10 நாட்கள் தங்கி மீன்பிடித்து திரும்புவது வழக்கம். ஆழ்கடல் பகுதியில் உயர்ரக மீன்களான கணவாய், இறால், சுறா, கேரை போன்றவை அதிக அளவில் கிடைக்கிறது. இந்நிலையில் மேற்கு கடற்கரை பகுதியில் மீன்பிடி தடைக்காலத்தையொட்டி கடந்த 2 மாதங்களாக விசைப்படகுகள் மீன்பிடிக்க செல்லவில்லை.இந்த தடைகாலம் கடந்த ஜூலை 31ம் தேதி நள்ளிரவுடன் முடிவுக்கு வந்தது. அதன் பிறகு மீனவர்கள் கடலுக்கு சென்றனர். குளச்சலில் இருந்து மீன்பிடிக்க சென்ற விசைப்படகுகளில் 3 படகுகள் கடந்த 3 தினங்களுக்கு முன்பு கரை திரும்பின. இதில் ஓரளவு மீன்கள் கிடைத்திருந்தன. அதைத் தொடர்ந்து நேற்று காலை சுமார் 40க்கும் மேற்பட்ட விசைப்படகுகள் கரைக்கு திரும்பி வந்தன.

இந்த படகுகளில் அதிகமாக செம்மீன் மற்றும் நாக்கண்டம் மீன்கள் கிடைத்திருந்தன. ஒரு கிலோ செம்மீன் ₹25 என விலை போனது. நாக்கண்டம் ₹22 முதல் 35 வரை விலைபோனது. பற்பசை தயாரிக்கும் கம்பெனிகள் செம்மீன்களை அதிகளவில் வாங்குவதால் வியாபாரிகள் போட்டி போட்டு வாங்கி சென்றனர். விலை குறைவு என்றாலும் அதிகளவில் மீன்கள் கிடைத்ததால் 2 மாதம் தடைக்காலத்திற்கு பிறகு மீன்பிடிக்க சென்ற மீனவர்கள் மகிழ்ச்சி அடைந்தனர்.

மேலும் செய்திகள்

Like Us on Facebook Dinkaran Daily News
  • vaanvali_makal111

    நிலைகுலைந்துள்ள கேரளம்... வாழ்வாதாரத்தை இழந்து மக்கள் கடும் அவதி : மாநிலத்தின் வான்வழி படங்கள்

  • delta_kadai111

    காய்கிறது டெல்டா கடைமடைகள் ! : சிறப்பு படத் தொகுப்பு

  • prathmar_rajiv1

    முன்னாள் பிரதமர் ராஜீவ் காந்தி பிறந்த நாளையொட்டி நினைவிடத்தில் குடும்பத்தினர், அரசியல் தலைவர்கள் மரியாதை

  • kerala_makkal111

    மழை குறைந்தும் தணியாத துயரம் : உணவு, தண்ணீருக்காக கேரள மக்கள் கையேந்தும் கொடுமை

  • 20-08-2018

    20-08-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்