SUN குழுமத்திலிருந்து வெளிவரும் காலை நாளிதழ்

பிசிசிஐ வரைவு சட்டம்: உச்ச நீதிமன்றம் அனுமதி

2018-08-10@ 00:31:46

புதுடெல்லி: நீதிபதி லோதா கமிட்டி பரிந்துரைத்த பிசிசிஐ வரைவு சட்ட விதிகளில் சில திருத்தங்களுடன் உச்ச நீதிமன்றம் அனுமதி வழங்கியது.
இந்திய கிரிக்கெட் வாரியத்தில் (பிசிசிஐ) பல்வேறு சீர்த்திருத்தங்களை மேற்கொள்ள ஓய்வு பெற்ற நீதிபதி லோதா தலைமையில் குழு ஒன்றை உச்ச நீதிமன்றம் அமைத்தது. இக்குழு, புதிய பிசிசிஐ சட்ட விதிகள் குறித்து பரிந்துரை வழங்கியது. இதில், பிசிசிஐ அதிகாரிகள் ஒவ்வொரு முறை பதவி வகித்த பிறகு இடைவெளி விட்டு அடுத்த முறை அதே பதவிக்கு போட்டியிட வேண்டும் என்பது உள்ளிட்ட பரிந்துரைகளுக்கு மாநில சங்கங்கள் எதிர்ப்பு தெரிவித்தன. இதுதொடர்பான வழக்கு தலைமை நீதிபதி தீபக் மிஸ்ரா தலைமையிலான அமர்வு முன்பு நேற்று விசாரணைக்கு வந்தது.

அப்போது, ‘ஒரே மாநிலம், ஒரே ஓட்டு கொள்கை’ உள்ளிட்ட சில பரிந்துரைகள் நிராகரிக்கப்பட்டன. மும்பை கிரிக்கெட் சங்கம், விதர்பா, ரயில்வே சங்கங்களுக்கு முழு உறுப்பினர் அந்தஸ்து வழங்கப்பட்டது. பிசிசிஐ அதிகாரிகள் 2 முறை தொடர்ச்சியாக பதவி வகிக்கலாம் என உச்ச நீதிமன்றம் அனுமதி வழங்கியது. 2 முறைக்கு பிறகு இடைவெளிவிட்டு அதே பதவிக்கு போட்டியிட வேண்டும் என திருத்தம் மேற்கொண்டது. இதைத்தொடர்ந்து, புதிய சட்ட விதிகளை அடுத்த 4 வாரத்தில் பதிவு செய்ய வேண்டுமெனவும், அந்த விதிகளை மாநில சங்கங்கள் 30 நாட்களுக்குள் அமல்படுத்த வேண்டுமெனவும் நீதிபதிகள் உத்தரவிட்டுள்ளனர்.


மேலும் செய்திகள்

Like Us on Facebook Dinkaran Daily News
  • 12-12-2018

    12-12-2018 இன்றைய சிறப்பு படங்கள்

  • ramnathgovind

    மியான்மரில் அதிபர் ஆங் சான் சூகியுடன் இந்திய ஜனாதிபதி ராம்நாத் கோவிந்த் சந்திப்பு

  • GuangxiZhuangcele

    தெற்கு சீனாவின் குவாங்ஸி ஜுவாங் தன்னாட்சி பிரதேசத்தின் 60வது ஆண்டு விழா கொண்டாட்டம்

  • chinaexpo

    சீனாவின் பொருளாதார சீர்திருத்தத்தின் 40ம் ஆண்டு நிறைவு விழா: லண்டனில் புகைப்பட கண்காட்சி

  • londonbrexit

    சர்வதேச நாடுகளுடனான பிரெக்சிட் ஒப்பந்தத்திற்கு எதிர்ப்பு தெரிவித்து லண்டனில் மக்கள் போராட்டம்

படங்கள் வீடியோ கல்வி சினிமா ஜோ‌திட‌ம்