SUN குழுமத்திலிருந்து வெளிவரும் காலை நாளிதழ்

லார்ட்சில் இரண்டாவது டெஸ்ட் மழையால் முதல் நாள் ஆட்டம் ரத்து

2018-08-10@ 00:29:49

லண்டன்: இந்தியா, இங்கிலாந்து இடையேயான 2வது டெஸ்ட் போட்டி லண்டன் லார்ட்ஸ் மைதானத்தில் நேற்று தொடங்கியது. மழை காரணமாக டாஸ் கூட போடப்படாத நிலையில் முதல் நாள் ஆட்டம் கைவிடப்பட்டது. இங்கிலாந்து சென்றுள்ள இந்திய கிரிக்கெட் அணி 5 டெஸ்ட் போட்டிகள் கொண்ட தொடரில் விளையாடி வருகிறது. முதல் டெஸ்டில் இந்தியா 31 ரன் வித்தியாசத்தில் தோல்வி அடைந்து ஏமாற்றமளித்தது. இந்நிலையில், 2வது டெஸ்ட் பாரம்பரியமிக்க லண்டன் லார்ட்ஸ் மைதானத்தில் நேற்று தொடங்கியது. காலையில் இருந்தே வானம் மேகமூட்டத்துடன் மழை தூறிக் கொண்டிருந்ததால் போட்டி தொடங்குவதில் தாமதம் ஏற்பட்டது. தொடர்ந்து மழை பெய்து கொண்டிருந்ததால் ஆடுகளம் மூடி வைக்கப்பட்டிருந்தது. உள்ளூர் நேரப்படி மாலை 4 மணிக்கு பிறகு மழை ஓயத் தொடங்கியதால், இரு அணி வீரர்களும் களமிறங்குவதற்கு தயாராகினர்.

ஆடுகளத்தை சுற்றி தேங்கிய மழைநீரை அப்புறப்படுத்தும் பணியில் மைதான ஊழியர்கள் ஈடுபட்டனர். ஆனாலும் மைதானத்தை ஆய்வு செய்த நடுவர்கள், வெளிப்புற மைதானம் அதிக ஈரப்பதத்துடன் இருந்ததால் முதல் நாள் ஆட்டம் கைவிடப்படுவதாக அறிவித்தனர்.  இன்றும் லண்டனில் மழை பெய்யக்கூடும் என வானிலை ஆய்வு மையம் எச்சரித்துள்ளது. முதல் டெஸ்டில் பேட்டிங்கில் சொதப்பியதால் இந்திய அணி தோல்வியை சந்தித்தது. இதனால் 2வது போட்டியில் பேட்டிங்கை பலப்படுத்த புஜாராவுக்கு வாய்ப்பளிக்கப்படுமா அல்லது 2 சுழற்பந்து வீச்சாளர்களுடன் களமிறங்குவதற்காக குல்தீப் யாதவ்வுக்கு வாய்ப்பு அளிக்கப்படுமா என்பது பெரும் எதிர்பார்ப்பை ஏற்படுத்தி உள்ளது.


மேலும் செய்திகள்

Like Us on Facebook Dinkaran Daily News
  • 19-07-2019

    19-07-2019 இன்றைய சிறப்பு படங்கள்

  • japan_animsehan11

    ஜப்பானின் அனிமேஷன் ஸ்டூடியோவில் ஏற்பட்ட தீ விபத்து : 13 பேர் பலி

  • wax_giant_pics

    மெழுகால் உருவாக்கப்பட்ட ராட்சத சிற்பங்கள் நகரை சுற்றி வலம் தாய்லந்தின் புத்தத் திருவிழா!!

  • church_cathdral11

    நெருப்புக்கு இரையான 850 ஆண்டுகள் பழமையான நோட்ரேடேம் தேவாலயம் : அதிக அழகுடன் மீட்டெடுக்க போராடும் பணியாளர்கள்

  • apolo_50vinkalam1

    நிலவில் கால் பதித்த 50 ஆண்டு தின கொண்டாட்டம் : விளக்கு அலங்காரத்தில் ஜொலிக்கும் 363 அடி நீள அப்போலோ 11 விண்கலம் மாதிரி!!

படங்கள் வீடியோ கல்வி சினிமா ஜோ‌திட‌ம்