SUN குழுமத்திலிருந்து வெளிவரும் காலை நாளிதழ்

தனித்துவமாக யோசித்தால் வெற்றி!

2018-08-07@ 10:16:09

நன்றி குங்குமம் முத்தாரம்

ஸ்டார்ட் அப் மந்திரம்

2016 ஆம் ஆண்டில் StayZilla, Dazo ஆகிய நிறுவனங்கள் தோற்று வீழ்ந்ததோடு, 200க் கும் மேற்பட்ட ஸ்டார்ட்அப்புகள் மூடப்பட்டுவிட்டன. கிராப்ட்ஸ்வில்லா, சாஃப்ட்பேங்கின் முதலீட்டில் வாழும் ஸ்நாப்டீல் உள்ளிட்ட நிறுவனங்களும் பெருமளவு ஆட்குறைப்பை செய்துவருகின்றன. எங்கு தவறு? என்ன பிரச்னை?

Zomato, Swiggy ஆகிய நிறுவனங்கள் உணவுத்துறையில் தாக்குப்பிடிக்கின்றன என்றால் அதைப் பின்பற்றிய பிற நிறுவனங்கள் என்னவாயின? குறிப்பிட்ட ஸ்டார்ட்அப் ஐடியாவை முதலில் தேர்ந்தெடுப் பவருக்கான ஆதாயங்கள் பின்வருபவர் களுக்குக் கிடைக்காது.

ஃபிளிப்கார்ட்டின் ஐடியாவைக் காப்பி யடித்து எக்கச்சக்க கம்பெனிகளைத் தொடங்கி, பணத்தை இறைக்கலாம். மக்களின் மனதில் பதிய தெளிவான பிளான்களும் விநியோக முறைகளும் முக்கியம். இந்த அம்சங்கள் இல்லையெனில் தொடங்கும் கம்பெனியில் செய்யும் முதலீடு, கடலில் கரைத்த பெருங்காயம்தான்.

ஒவ்வொரு துறையிலும் முன்னணி கம்பெனிகள் நிச்சயம் இருப்பார்கள். இ-வணிகத்தில் ஃபிளிப்கார்ட்,  அமேசான்; ஹோட்டலா? ஓயோ ரூம்ஸ், வாடகைக்காரா? உபர், ஓலா என இவர்களை உங்கள் ஸ்டார்ட்அப் முந்தி கின்னஸ் படைக்கும் என வறட்டு பிடிவாதம் செய்யாமல் தனித்துவமாக யோசியுங்கள். இத்துறையில் வேர்பிடித்தவர்களோடு மோதாமல் புதிய வாய்ப்புகளை விழுதாக நினைத்து ஏறி ஜெயிக்கப் பார்ப்போமே?உங்கள் ஸ்டார்ட்அப்பை சந்தையில் வஜ்ரமாக்க இதோ ஸ்டார்ட்அப் புத்தகங்கள்…  
 
Creativity Inc. by Ed Catmull with Amy Wallace  

அனிமேஷனில் அதிரடியாக சாதிக்கும் பிக்ஸாரின் சாதனைக்கதை. பிக்ஸார் படிப்படியாக தடைகளை உடைத்து திரைப்படத்தில் தன்னை எப்படி நிரூபித்தது என்பதை படித்தால் ஸ்டார்ட்அப் உற்சாகம் குபீரென உங்களுக்குள்ளும் பொங்கும்.
 
Zero to One - Peter Thiel with Blake Masters  

மார்க் ஸூக்கர்பெர்க், எலன் மஸ்க் ஆகியோர் பரிந்துரைத்த ஸ்டார்ட்அப் நூல் இது. 2012 ஆம் ஆண்டு ஸ்டான்ஃபோர்டு பல் கலையில் படித்த பீட்டர் தியல் எழுதிய நூல் இது.
 
The Checklist Manifesto - Atul Gawande  

எழுதியவர் அறுவை  சிகிச்சை  வல்லுநர் என்றாலும் ஒரு  வேலையை செக்லிஸ்ட் போட்டு எப்படி  கவனமுடன் செய்து ஜெயிக்கலாம் என்று சொல்லும் டிப்ஸ்கள் ஈர்க்கின்றன. இதோடு மார்க்கெட்டிங் குறித்த Sell: The Art, the Science, the Witchcraft-Subroto Bagchi நூலையும் வாசிக் கலாம்.

(உச்சரிப்போம்)
கா.சி.வின்சென்ட்
தமிழில்: ச.அன்பரசு


மேலும் செய்திகள்

Like Us on Facebook Dinkaran Daily News
  • vaanvali_makal111

    நிலைகுலைந்துள்ள கேரளம்... வாழ்வாதாரத்தை இழந்து மக்கள் கடும் அவதி : மாநிலத்தின் வான்வழி படங்கள்

  • delta_kadai111

    காய்கிறது டெல்டா கடைமடைகள் ! : சிறப்பு படத் தொகுப்பு

  • prathmar_rajiv1

    முன்னாள் பிரதமர் ராஜீவ் காந்தி பிறந்த நாளையொட்டி நினைவிடத்தில் குடும்பத்தினர், அரசியல் தலைவர்கள் மரியாதை

  • kerala_makkal111

    மழை குறைந்தும் தணியாத துயரம் : உணவு, தண்ணீருக்காக கேரள மக்கள் கையேந்தும் கொடுமை

  • 20-08-2018

    20-08-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்