SUN குழுமத்திலிருந்து வெளிவரும் காலை நாளிதழ்

புதிய அமைச்சர்கள் பதவியேற்பு : கவர்னர் ரோசய்யா பதவிப் பிரமாணம் செய்து வைத்தார

2013-02-28@ 14:36:57

சென்னை: தமிழகத்தின் புதிய அமைச்சர்களாக நியமிக்கப்பட்ட வைகை செல்வன், பூனாட்சி, கே.சி.வீரமணி ஆகியோர் இன்று காலை பதவியேற்றுக் கொண்டனர். அவர்களுக்கு கவர்னர் ரோசய்யா, பதவிப் பிரமாணம் செய்து வைத்தார். தமிழக அமைச்சரவையில் நேற்று அதிரடியாக மாற்றம் செய்யப்பட்டது. 3 அமைச்சர்கள் நீக்கப்பட்டு, அவர்களுக்கு பதிலாக 3 புதிய அமைச்சர்கள் நியமிக்கப்பட்டனர். சுற்றுலாத்துறை அமைச்சராக இருந்த கோகுல இந்திரா, பள்ளிக் கல்வி மற்றும் சட்டத்துறை அமைச்சராக இருந்த என்.ஆர்.சிவபதி, மக்கள் நல்வாழ்வுத்துறை அமைச்சராக இருந்த டாக்டர் விஜய் ஆகியோர் நேற்று பதவியில் இருந்து நீக்கப்பட்டனர்.

அருப்புக்கோட்டை தொகுதி எம்எல்ஏ வைகைச் செல்வன், திருச்சி மாவட்டம் மண்ணச்சநல்லூர் தொகுதி எம்எல்ஏ பூனாட்சி, வேலூர் மாவட்டம் ஜோலார்பேட்டை தொகுதி எம்எல்ஏ கே.சி.வீரமணி ஆகியோர் புதிய அமைச்சர்களாக நியமிக்கப்பட்டனர். வைகைச் செல்வனுக்கு பள்ளி கல்வித்துறையும், பூனாட்சிக்கு கதர் மற்றும் கிராம தொழில் வாரிய துறையும் கே.சி.வீரமணிக்கு மக்கள் நல்வாழ்வுத்துறையும் ஒதுக்கப்பட்டுள்ளது. கதர் மற்றும் கிராம தொழில் வாரியத்துறை அமைச்சராக இருந்த செந்தூர் பாண்டியன், சுற்றுலாத்துறை அமைச்சராக நியமிக்கப்பட்டுள்ளார். உள்ளாட்சித்துறை அமைச்சர் கே.பி.முனுசாமிக்கு கூடுதல் பொறுப்பாக சட்டத்துறை ஒதுக்கப்பட்டுள்ளது.

புதிய அமைச்சர்கள் பதவியேற்பு விழா, கிண்டி கவர்னர் மாளிகையில் உள்ள தர்பார் ஹாலில் இன்று காலை 11 மணிக்கு நடந்தது. வைகைச் செல்வன், பூனாட்சி, கே.சி.வீரமணி ஆகியோர் அமைச்சர்களாக பதவியேற்றுக் கொண்டார். அவர்களுக்கு கவர்னர் ரோசய்யா பதவிப் பிரமாணமும் ரகசிய காப்பு பிரமாணமும் செய்து வைத்தார். இந்நிகழ்ச்சியில் முதல்வர் ஜெயலலிதா, அமைச்சர்கள், தலைமைச் செயலாளர் ஷீலா பாலகிருஷ்ணன் மற்றும் அதிகாரிகள் கலந்து கொண்டனர். பதவி ஏற்பு விழா முடிந்ததும் அமைச்சர்கள் அனைவரும் கவர்னர், முதல்வருடன் குரூப் போட்டோ எடுத்துக் கொண்டனர். புதிய அமைச்சர்கள் 3 பேரும் தலைமைச் செயலகத்துக்கு வந்து உடனடியாக பொறுப்புகளை ஏற்றுக் கொண்டனர்.

how do you know your wife cheated on you read my spouse cheated on me now what


மேலும் செய்திகள்

Like Us on Facebook Dinkaran Daily News
  • wphotoday

    உலக புகைப்படத்தினம்: 2019ம் ஆண்டின் பல அறிய புகைப்படங்களின் தொகுப்பு

  • carshowchennai

    சென்னையில் பாரம்பரிய கார் கண்காட்சி: பார்வையாளர்களின் கவனத்தை ஈர்த்த எம்.ஜி.ஆர் உள்ளிட்ட பிரபலங்களின் கார்கள்

  • hongkongrally

    ஹாங்காங்கில் அமைதி திரும்ப வலியுறுத்தி கொட்டும் மழையில் பேரணி நடத்திய பொதுமக்கள்: சர்வதேச அளவிலும் சீனர்கள் பேரணி

  • 19-08-2019

    19-08-2019 இன்றைய சிறப்பு படங்கள்

  • 18-08-2019

    18-08-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்