SUN குழுமத்திலிருந்து வெளிவரும் காலை நாளிதழ்

கல்விக்கடன் தர மறுப்பு தெரிவித்த விவகாரம் : எஸ்பிஐ வங்கி மேலாளர் நேரில் ஆஜராக நீதிமன்றம் உத்தரவு

2018-07-16@ 16:38:08

சென்னை: தந்தையின் கடன் நிலுவையில் உள்ளதால் மகளுக்கு கல்விக்கடன் தர மறுப்பு தெரிவித்த விவகாரத்தில் தலைஞாயிறு எஸ்பிஐ வங்கி மேலாளர் ஜூலை 23ல் நேரில் ஆஜராக வேண்டும் என உயர்நீதிமன்றம் உத்தரவு பிறப்பித்துள்ளது.தந்தை கடனை திருப்பி செலுத்தவில்லை எனக் கூறி மகளுக்கு கல்விக்கடன் மறுப்பு தொடர்பாக மேல் முறையீட்டு வழக்கு சென்னை உயர்நீதிமன்றத்தில் தொடரப்பட்டது.
நாகையைச் சேர்ந்த நர்சிங் கல்லூரி மாணவி தீபிகாவின் மனுவில் தனது தந்தைக்கு எந்த வங்கியிலும் கடன் நிலுவையில் இல்லை என்றும் வங்கி நிர்வாகத்தின் தவறான பதிலை ஏற்று தனி நீதிபதி கடனை மறுத்து உத்தரவிட்டுள்ளதாகவும், அதனை ரத்து செய்து கல்வி கடன் வழங்க உத்தரவிடவும் கோரப்பட்டிருந்தது.

தந்தையின் பெயருக்கு களங்கம் விளைவித்த பாரத ஸ்டேட் வங்கி 10 லட்சம் ரூபாய் இழப்பீடு வழங்க உத்தரவிடவும் கோரப்பட்டிருந்தது. விசாரணையின் போது தீபிகாவின் தந்தை வங்கி கடன் பெற்ற ஆதாரம் உள்ளதாக வங்கித் தரப்பில் தெரிவிக்கப்பட்டது. அந்த ஆவணங்களை ஜூலை 16ம் தேதி தாக்கல் செய்ய உத்தரவிட்டு நீதிபதிகள் விசாரணையை ஒத்திவைத்தனர்.இந்நிலையில் இந்த விசாரணை இன்று விசாரணைக்கு வந்தது.

அப்போது மாணவர்களுக்கு கல்விக்கடன் வழங்க என்னென்ன தகுதிகள் நிர்ணயிக்கப்பட்டுள்ளது என்று நீதிபதிகள் கேள்வி எழுப்பினர்.இதனைத் தொடர்ந்து  கல்விக்கடன் பெற 60% மதிப்பெண் வேண்டும் என்பது எதன் அடிப்படையில் நிர்ணயிக்கப்பட்டது? என்று கேள்வி எழுப்பிய நிலையில், கல்விக்கடன் தர மறுப்பு தெரிவித்த விவகாரத்தில் தலைஞாயிறு எஸ்பிஐ வங்கி மேலாளர் ஜூலை 23ல் நேரில் ஆஜராக வேண்டும் என்று உயர்நீதிமன்றம் உத்தரவிட்டது.


மேலும் செய்திகள்

Like Us on Facebook Dinkaran Daily News
  • mukesamba_daugfes

    முகேஷ் அம்பானியின் மகள் இஷா அம்பானி மற்றும் ஆனந்த் பிரமால் திருமண ப்ரீ வெட்டிங் நிகழ்ச்சி!

  • glassroof_simla

    இயற்கை காட்சிகளை உள்ளிருந்து ரசிக்க வைக்கும் வகையில் ஷிம்லா-கல்கா வரை கண்ணாடி மேற்கூரை கொண்ட ரயில்!

  • bengulrguysraly

    உச்சநீதிமன்ற தீர்ப்புக்கு பிறகு பெங்களூரில் ஓரின சேர்க்கையாளர்கள் பிரைட் பேரணி!

  • Thailandmissuniverse

    தாய்லாந்தில் பிரபஞ்ச அழகிப் போட்டிகளுக்கு முன்னோடியாக ஆடை அலங்காரப் போட்டிகள் : பங்கேற்று அசத்திய அழகிகள்

  • santa_world

    மக்கள் முகங்களில் பளிச்சிடும் கிறிஸ்துமஸ் மகிழ்ச்சி: கிறிஸ்துமஸ் தாத்தா வேடமணிந்து உற்சாக கொண்டாட்டம்!

படங்கள் வீடியோ கல்வி சினிமா ஜோ‌திட‌ம்