SUN குழுமத்திலிருந்து வெளிவரும் காலை நாளிதழ்

Urban Tree

விரைவில் சட்டம் கொண்டு வர முடிவு சிறுமிகளை பலாத்காரம் செய்தால் மரண தண்டனை : உத்தரகாண்ட் அரசு அறிவிப்பு

2018-07-14@ 01:42:42

டேராடூன்: சிறுமிகளை பாலியல் பலாத்காரம் செய்வோருக்கு மரண தண்டனை விதிக்கும் சட்டம் கொண்டு வரப்பட உள்ளதாக உத்தரகாண்ட் முதல்வர் திரிவேந்திரா சிங் ராவத் அறிவித்துள்ளார். உத்தரகாண்ட் மாநில பாஜ செயற்குழு கூட்டம், அம்மாநில முதல்வர் திரிவேந்திரா சிங் ராவத் தலைமையில் காசிபூரில் நேற்று நடந்தது. இதில் பங்கேற்ற அவர், ‘‘சிறுமிகளுக்கு எதிரான பலாத்கார குற்றங்கள் அதிகரிப்பது கவலை அளிக்கும் விதமாக உள்ளது. இத்தகைய குற்றங்கள், கடுமையான சட்டங்கள் மூலம் தடுக்கப்பட வேண்டும். எனவே, சிறுமிகளை பலாத்காரம் செய்வோருக்கு தூக்கு தண்டனை விதிக்கும் வகையில் சட்டம் கடுமையாக்கப்படும். இதற்கான முயற்சியில் மாநில அரசு ஈடுபட்டுள்ளது. இதற்கான மசோதா, சட்டப்பேரவையின் அடுத்த கூட்டத்தில் தாக்கல் செய்யப்படும்’’ என்றார்.

ஏற்கனவே, மத்தியப் பிரதேசம், ராஜஸ்தான், அரியானா மாநில அரசுகள் 12 வயதுக்கு உட்பட்ட சிறுமிகளை பலாத்காரம் செய்வோருக்கு மரண தண்டனை விதிக்கும் சட்ட  மசோதாவை சட்டப்பேரவையில் நிறைவேற்றி உள்ளன. இதேபோல், மத்திய அரசும் சிறுமிகளை பலாத்காரம் செய்தால் மரண தண்டனை விதிக்கக் கூடிய கிரிமினல் சட்ட திருத்த மசோதாவை வரும் 18ம் தேதி தொடங்க உள்ள நாடாளுமன்ற மழைக்கால கூட்டத்தொடரில் தாக்கல் செய்ய உள்ளது.

அமித்ஷா கனவை நிறைவேற்றுவோம்


செயற்குழு கூட்டத்தில் முதல்வர் திரிவேந்திரா சிங் ராவத் பேசுகையில், ‘‘பிரதமர் மோடியின் நாடாளுமன்ற தேர்தல் திட்டத்தை வெற்றி பெறச் செய்யும் வகையில், நிர்வாகிகள் அனைவரும் பூத் வாரியாக கட்சியை வலுப்படுத்தி, பாஜ அரசின் மக்கள் நலத்திட்டங்கள் குறித்து விழிப்புணர்வை ஏற்படுத்த வேண்டும். பாஜ அரசு வாக்குறுதி அளித்தபடி, ஊழல் இல்லாத நிர்வாகத்தை தந்துள்ளது. 2019 மக்களவைத் தேர்தலில், அமித் ஷாவின் கனவான 350 இடங்களில் வெற்றி பெறுவதை நாம் நிறைவேற்றுவோம்’’ என்றார்.

மேலும் செய்திகள்

மருத்துவம்

Medical Trends கைகளின் வலி
Like Us on Facebook Dinkaran Daily News
  • damagedvinayr_idoles00

    விநாயகர் சதுர்த்தியையடுத்து பல்வேறு பகுதிகளில் நீர் நிலைகளில் உடைந்து சிதறி கிடைக்கும் விநாயகர் சிலைகள் !

  • delhiaccid_childead

    டெல்லியில் கட்டடம் இடிந்து விபத்து : பெண் உட்பட 4 குழந்தைகள் பலி !

  • dogsketc_123amer

    பனிச்சறுக்கு விளையாடும் உலகின் முதல் நாய் : வியக்க வைத்த பென்னி !

  • thailandbirdsing

    தாய்லாந்தில் நடைபெற்ற பறவைகள் பாடும் போட்டி : ஆயிரக்கணக்கான பறவைகள் பங்கேற்பு

  • presimodhi_madhya123

    மத்தியப் பிரதேசத்தில் பாஜக நிர்வாகிகள் கூட்டம் : பிரதமர் மோடி, அமித்ஷா பங்கேற்பு

படங்கள் வீடியோ கல்வி சினிமா ஜோ‌திட‌ம்