சென்னை: கோயம்பேடு பேருந்து நிலையம் நூறடி சாலையில் அரிகேந்த் டவர் உள்ளது. இதற்கு கீழ் தளத்தில் டாஸ்மாக் கடை ஒன்று செயல்பட்டு வருகிறது. நேற்று முன்தினம் கடையை ஊழியர்கள் இரவு பூட்டிவிட்டு சென்றனர். நேற்று மதியம் 12 மணியளவில், வழக்கம்போல் ஊழியர்கள் கடையை திறக்க வந்தபோது கடையின் பூட்டு உடைக்கப்பட்டிருப்பதை கண்டு அதிர்ச்சி அடைந்தனர். உள்ளே சென்று பார்த்தபோது 4 மதுபாட்டில்களும், சில்லறைகளாக 20 ஆயிரம்  கொள்ளையடிக்கப்பட்டிருந்தது தெரியவந்தது. இதுகுறித்து, கோயம்பேடு போலீசாருக்கு ஊழியர்கள் தகவல் கொடுத்தனர். போலீசார் சம்பவ இடத்திற்கு விரைந்து வந்து விசாரித்தனர். மேலும், வழக்குப்பதிவு செய்து கொள்ளையர்களை தேடி வருகின்றனர்.