SUN குழுமத்திலிருந்து வெளிவரும் காலை நாளிதழ்

Urban Tree

டிவிட்டரில் செயல்படாத கணக்குகள் நீக்கம்: 3 லட்சம் பின்தொடர்வோரை இழந்தார் பிரதமர் மோடி

2018-07-14@ 01:19:21

புதுடெல்லி: டிவிட்டரில் செயல்படாத, முடக்கப்பட்ட கணக்குகள் நீக்கப்பட்டதைத் தொடர்ந்து, ஒரே நாளில் 3 லட்சம் பின்தொடர்வோரை பிரதமர் மோடி இழந்துள்ளார். செயல்படாத மற்றும் முடக்கப்பட்ட கணக்குகள் நீக்கப்பட உள்ளதாக டிவிட்டர் சமூக தளம் கடந்த வாரம் அறிவித்தது. இதைத்தொடர்ந்து, கணக்குகள் நீக்க நடவடிக்கை தற்போது மேற்கொள்ளப்பட்டுள்ளது. இது, உலக அரசியல் தலைவர்கள், சினிமா, விளையாட்டு உள்ளிட்ட விவிஐபிக்களுக்கு பாதிப்பாக அமைந்துள்ளது. குறிப்பாக, பிரதமர் மோடி ஒரே நாளில் 3 லட்சம் பின்தொடர்வோரை இழந்துள்ளார். டிவிட்டரில் அதிக பின்தொடர்வோரை கொண்ட அரசியல் தலைவர்களில் அமெரிக்க அதிபர் டிரம்ப்பை அடுத்து மோடி 2வது இடத்தில் உள்ளார். செயல்படாத கணக்குகள் நீக்கத்தால், அவரின் தனிப்பட்ட டிவிட்டரில் இருந்து 2.84 லட்சம் பின்தொடர்வோர் வெளியேற்றப்பட்டுள்ளனர். இதனால், மோடியின் பின்தொடர்வோர் எண்ணிக்கை 4.34 கோடியிலிருந்து 4.31 கோடியாக சரிந்துள்ளது.

அடுத்ததாக பிரதமர் அலுவலக டிவிட்டர் கணக்கிலிருந்து 1.40 லட்சம் பின்தொடர்வோர் நீக்கப்பட்டுள்ளனர். காங்கிரஸ் தலைவர் ராகுல் 17,503 பின்தொடர்வோரையும், சசிதரூர் 1.51 லட்சம் பேரையும் இழந்துள்ளனர். வெளியுறவுத் துறை அமைச்சர் சுஷ்மா 74,132 பின்தொடர்வோரையும், பாஜ தேசிய தலைவர் அமித் ஷா 33,363 பேரையும், டெல்லி முதல்வர் கெஜ்ரிவால் 91,555 பேரையும் இழந்துள்ளனர்.உலக தலைவர்களில் அமெரிக்க அதிபர் டிரம்ப் 1 லட்சம் பேரை இழந்து, அவரின் பின்தொடர்வோர் எண்ணிக்கை 5.34 கோடியாக சரிந்துள்ளது. முன்னாள் அதிபர் ஒபாமா 4 லட்சம் பேரை இழந்து, அவரின் பின்தொடர்வோர் எண்ணிக்கை 10.1 கோடியாகி உள்ளது. டிவிட்டர் பின்தொடர்வோர் எண்ணிக்கையை கண்காணித்து வரும் சோஷியல் பிளேட் என்ற இணையதளம் இத்தகவலை வெளியிட்டுள்ளது.

மேலும் செய்திகள்

மருத்துவம்

Medical Trends கைகளின் வலி
Like Us on Facebook Dinkaran Daily News
  • damagedvinayr_idoles00

    விநாயகர் சதுர்த்தியையடுத்து பல்வேறு பகுதிகளில் நீர் நிலைகளில் உடைந்து சிதறி கிடைக்கும் விநாயகர் சிலைகள் !

  • delhiaccid_childead

    டெல்லியில் கட்டடம் இடிந்து விபத்து : பெண் உட்பட 4 குழந்தைகள் பலி !

  • dogsketc_123amer

    பனிச்சறுக்கு விளையாடும் உலகின் முதல் நாய் : வியக்க வைத்த பென்னி !

  • thailandbirdsing

    தாய்லாந்தில் நடைபெற்ற பறவைகள் பாடும் போட்டி : ஆயிரக்கணக்கான பறவைகள் பங்கேற்பு

  • presimodhi_madhya123

    மத்தியப் பிரதேசத்தில் பாஜக நிர்வாகிகள் கூட்டம் : பிரதமர் மோடி, அமித்ஷா பங்கேற்பு

படங்கள் வீடியோ கல்வி சினிமா ஜோ‌திட‌ம்